Në një protestë përpara Këshillit të Ministrave në Sofje, udhëheqësja e platformës civile "Ngrihu.BG" Maja Manollova kërkoi një moratorium mbi pagimin e faturave të nëntorit për ngrohje nga banorët e Sofjes. Sipas saj, duhet të ketë një moratorium të tillë deri në përfundimin e inspektimit të urdhëruar nga Ministri i Energjetikës kundër kompanisë "Topllofikacija" - Sofje mbi mënyrën e formimit të çmimeve. Protesta vazhdoi me një procesion drejt ndërtesës së Ministrisë së Energjetikës.

Një protestë u mbajt gjithashtu para Bashkisë së qytetit Plovdiv, ku pronarët e dyqaneve në qendrat tregtare dhe përfaqësuesit e restoranteve shprehën pakënaqësi nga humbjet që pësojnë për shkak të mbylljes së objekteve si pjesë e masave antiepidemike. Protestuesit thanë se nuk ishin dakord që masat të zbatoheshin për disa dhe jo për të tjerët.