Në qytetin Tërgovishte nxënës nga klasa e 11 krijuan një klub vullnetar për bamirësi “Mirësi ngjitëse”, transmetoi Agjencia Telegrafike Bullgare. Ata janë njerëz të rinj, të cilët janë të bindur se distanca fizike, e shkaktuar nga Covid-19, nuk duhet të kthehet në një izolim social.

Klubi vullnetar i nxënësve tanimë ka dy misione të rëndësishme. Vullnetarët e rinj u kanë dhuruar produkte dhe materiale për të pikturuar fëmijëve nga Qendra për Strehim të Përkohshëm në qytetin Tërgovishte dhe kanë dërguar letra falënderimi deri tek mjekët e spitalit në Tërgovishte dhe deri tek mësuesit në lidhje me Ditën Botërore të fjalës “Faleminderit”. Në klub tanimë bëjnë pjesë nxënës dhe nga klasat e tjera të 11-ta. Dëshira e tyre është të “infektohet” me mirësi e gjithë bashkësia shkollore. Ata i drejtojnë apel secilit i cili ka dëshirë t’u sjellë gëzim dhe buzëqeshje njerëzve, të dhurojë lumturi dhe të bëjë mirësi, të aderohet në klub.

Përpiloi: Darina Grigorova

Përgatiti në shqip: Nataniela Vasileva