Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Makinat Google përsëri janë në Bullgari

Foto: Dobromir Videv

Automobilat Google përsëri janë në Bullgari dhe deri në muajin tetor do të aktualizojnë hartat e veta. Së fundi një aktualizim i ngjashëm për Google Maps dhe Street View tek ne është bërë gjatë vitit 2019, por sivjet ajo do të jetë mjaft më i madh dhe do të përfshijë itinerare fare të reja, monumente kulturore dhe historike.

Makinat, me të cilat do të realizohet  regjistrimi i domosdoshëm i të dhënave në Bullgari janë 4 në numër, të pajisura me 8 kamera, të cilat kapin imazhe 360 gradë dhe GPS koordinata. Janë të pajisura dhe me Lidar-një teknologji për një llogaritje dhe matje në distancë përmes ndriçimit të objektit në shënjestër nëpërmjet dritës lazer dhe matjen e kohës për të cilën drita e reflektuar kthehet deri në sensor. Kështu krijohen imazhet digjitale 3D të objektit.

Për muajt, në të cilët janë në vendin tonë, makinat Google do të kalojnë nëpër 47 qytete bullgare. Për herë të parë do të fotografohen vende si Goce Dellçev, Dupnica, Sandanski, Hisarja, Asenovgrad, Tervell, Llukovit, Kotell dhe Montana.

Do të regjistrohen dhe rrugët e sapondërtuara në vend. Sipas statistikës, që nga viti 2014 në Bullgari ka rreth 200 kilometra autostrada të reja dhe qindra kilometra rrugë të reja të klasës së parë. Ndaj kësaj do të shtohet dhe fotografimi i fenomeneve të shumta natyrore dhe zona të këmbësorëve.

Një informacion i ngjashëm të cilin e propozon Google Maps dhe Street View ka vlerë vetëm kur është aktual, i vërtetë dhe adekuat, mendon Gjeorgji Mallçev, specialist i marketingut digjital.

Gjeorgji Mallçev

Me itineraret e reja dhe të dhënat e aktualizuara sipas tij kompania i përgjigjet dëshirës së konsumatorëve të kenë mundësi në mënyrë digjitale të vizitojnë një vend, përpara se ta bëjnë këtë personalisht.

Sivjet Google do të fotografojë monumente kulturore të paarritshme për makinat si Plovdivi i Vjetër, 7 liqenet e Rilës, kopshti Botanik në qytetin Ballçik, parkun në Primorsko, qytetin Varna dhe shkëmbinjtë e Bellogradçikut.

Fytyrat e këmbësorëve dhe numrat e automobilave do të mbulohen në mënyrë që të plotësohen të gjitha kërkesat për konfidencë personale. Vencisllav Karaxhov nga Komisioni për të dhënat personale tha për Radion Kombëtare Bullgare se, korporatat e mëdha respektojnë rregullat gjatë fotografimit të vendeve publike dhe nuk ka shkak që njerëzit të shqetësohen nga shkelja e të drejtave të tyre.

Në një nivel global Google Maps dhe Street View përdoret çdo ditë prej mbi 1 miliardë vetave në 86 vende nëpër botë. Nga kompania planifikojnë të tregojnë në të ardhme përveç itinerarit më të shpejtë, por dhe rrugës më miqësore me mjedisin. Kështu përmes softuerit pritet të pakësohet ndotja.

Redaktore: Vesella Krësteva/ në bazë të intervistës së Dobromir Videvit, BNR-programi “Horizont”/

Përgatiti në shqip: Nataniela Vasileva

Foto: Dobromir Videv dhe digitalstars.bg




Последвайте ни и в Google News Showcase, за да научите най-важното от деня!

Më shumë nga rubrika

Hungaria, vitet '30 të shekullit të 20-të

Bullgarët në Hungari me një festë të dyfishtë – Ditën e Miqësisë dhe marrjen e certifikatës së UNESCO-s për traditën e tyre të kopshtarisë

17 tetori 2025 do të hyjë në histori si data në të cilën Ministri i Kulturës i Hungarisë paraqiti dokumentin që regjistron zyrtarisht Traditën e Kopshtarisë Bullgare në Hungari në Regjistrin e Trashëgimisë Kulturore Jomateriale të UNESCO-s. Ky..

botuar më 25-10-19 9.05.PD

Gara më e madhe ndërkombëtare e dhomave escape po zhvillohet në Sofje

Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një..

botuar më 25-10-19 5.00.PD
Drejtori i Përgjithshëm i BNR-së Milen Mitev

Radioja Kombëtare Bullgare do të organizojë Konferencën Vjetore Ndërkombëtare të Mediave Publike

Radioja Kombëtare Bullgare (BNR) do të organizojë Konferencën Vjetore Ndërkombëtare të Mediave Publike. Forumi prestigjioz do të mbahet për herë të parë në Sofje nga 20 deri më 22 tetor me pjesëmarrjen e transmetuesve publikë nga 24 vende në pesë..

botuar më 25-10-17 5.14.MD