Biznesmeni Minju Stajkov ka dënuar Bullgarinë në Gjykatën Evropiane të të Drejtave të Njeriut, njoftoi reporterja e BNR Sillvija Velikova. Magjistratët kanë pranuar ankesën e afaristit se ndalimi i tij për më shumë se dy vjet ka qenë i tepruar, por kanë refuzuar kërkesën për kompensim.

Në fillim të shtatorit të vitit 2018 Stajkov u arrestua dhe u akuzua bashkë me djalin e tij Stajko dhe disa persona të tjerë për pjesëmarrje në një grup të organizuar kriminal për mashtrime tatimore, larje të parave të pista dhe prodhim cigaresh pa banderol. Në ditën në të cilën i skadoi afati i ndalimit maksimal prej 8 muajsh, ai u akuzua për keqpërdorim me fonde të BE-së për më shumë se 11 milion leva dhe ndalimi i tij u zgjat.

Aktualisht, Stajkov, i cili është në arrest shtëpiak, është një kandidat për deputet nga partia pak e njohur “Brigada”.