Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët janë të gjashtë për nga numri në Angli ndër shtetasit e BE

Afati për të aplikuar për statusin e qëndrimit në Britaninë e Madhe skadoi, por nuk priten masa të rrepta pas 1 korrikut

Foto: ЕPА/BGNES

Më 30 qershor në orën 00.00 fiks skadoi afati përfundimtar për të aplikuar për statusin e qëndrimit të shtetasve të BE në Mbretërinë e Bashkuar. Kështu cilido që nuk ka shtetësi britanike ose irlandeze, nuk ka statusin e qëndrimit të përhershëm (indefinite leave to remain) ose nuk aplikoi për një status të tillë, ose nuk e ka të drejtën e hyrjes së përhershme (indefinite leave to enter) në Mbretërinë e Bashkuar, humbet të drejtat e tij në ishull. Kjo do të thotë se nuk e ka të drejtën e punës, të përfitimeve, të shërbimeve shëndetësore, të hapjes së llogarive bankare, të marrjes së një shtëpie me qira etj., informon korrespondenti i Radios Kombëtare Bullgare në Londër Veselin Paunov.

Më se 5.6 milion janë aplikimet e paraqitura për statusin e qëndrimit megjithëqë sipas statistikës zyrtare në vend ndodhen përafërsisht 3.5 milion shtetas të BE. Nga aplikimet e paraqitura mund të konstatohet se bullgarët janë të gjashtë për nga numri në Ishull ndër vendet e BE. Para tyre radhiten polakët, rumunët, italianë, portugezët dhe spanjollët. Përqindja e aplikimeve të refuzura është relativisht e ulët, saktëson Veselin Paunov.

Shqetësime serioze për këtë se çfarë do të ndodhë ka edhe biznesi në Ishull, i cili në praktikë nga 1 korriku mund të privohet nga krahu i vlefshëm i punës i cili vjen kryesisht nga vende si Bullgaria. 

“Një sërë sektorësh të ekonomisë britanike hasin vështirësi pas largimit të qytetarëve të BE, më në veçanti evropiano-lindor – më se 1.3 milion sipas të dhënave zyrtare. Tashmë ekziston një mungesë e madhe e shoferëve, punëtorëve në industrinë ushqimore, në industrinë e restoranteve dhe hoteleve, në ndërtim dhe në shumë fusha të tjera.”

Redaktore: Vesella Krësteva

Përgatiti në shqip: Svetllana Dimitrova

Foto: EPA/BGNES




Последвайте ни и в Google News Showcase, за да научите най-важното от деня!

Më shumë nga rubrika

Zyrtarisht – fillon sezoni turistik veror 2025

Sezoni veror 2025 fillon zyrtarisht sot, 31 maj, në Pomorie . "Pomorie zë një vend të rëndësishëm në hartën turistike të Bullgarisë dhe ofron një kombinim të shkëlqyer të detit, historisë, kulturës, balneologjisë dhe SPA-së", njofton Ministria e..

botuar më 25-05-31 8.05.PD

Fshati Minerallni Bani pret etno festivalin "Fëmijët e Ballkanit"

Mbi 2200 fëmijë nga e gjithë Bullgaria, Bosnja e Hercegovina, Kosova, Moldavia, Republika e Maqedonisë së Veriut, Serbia, Mali i Zi, Ukraina po marrin pjesë në Festivalin e 22-të Ndërkombëtar Etno për Fëmijë "Fëmijët e Ballkanit - me spiritualitet në..

botuar më 25-05-30 4.59.MD

Mungon komunikim cilësor midis adoleshentëve dhe prindërve të tyre

Në prag të 1 Qershorit - Ditës së Fëmijëve, UNICEF dhe Instituti Kombëtar i Statistikave prezantojnë "Fëmijët në Bullgari: Të dhëna dhe tendenca kryesore për vitin 2024", një përmbledhje e treguesve demografikë, shëndetësorë, arsimorë dhe..

botuar më 25-05-30 2.06.MD