Muzeu Kombëtar i Historisë Ushtarake në Sofje shënon vjetorin e vet 105 vjeçar me një program special këtë fundjavë. Hapja e programit festiv përkon me iniciativën evropiane  - Nata të Muzeve 3 korrik.

Programi arsimor “Misioni gjurmues” do të sfidojë familjet të kthehen në një ushtri të vërtetë. Kështu në mënyrë atraktive prezantohen llojet e forcave të armatosura dhe teknikën e Ushtrisë Bullgare, ndërsa pjesëmarrësit kanë mundësinë të jenë pjesë e një misioni ushtarak, të provojnë shpejtësinë, orientimin dhe logjikën e tyre dhe të gradohen. Më të shpejtët, të cilët gjejnë koordinatat e sakta të një prej mjeteve luftarake më mbresëlënëse nga ekspozimi i jashtëm, do të jenë të parët që do të hyjnë dhe do ta shikojnë atë nga brenda.

Mbrëmjen një koncert do të kenë Bandat Përfaqësuese Bronzi të Trupave të Këmbësorisë dhe të Gardës Kombëtare. Do të prezantohet dhe një shfaqje unike me zjarr e klubit “Divinitas”. Parashikohet dhe projektimi i filmave bullgarë nga vitet 20-të dhe 40-të të shekullit të kaluar të prezantuara në Sezonin e sivjetshëm të Filmit Klasik. Projektimet do të shoqërohet me muzikë të ekzekutuar nga violinistja Bojana Zheljazkova Zareva dhe pianisti Jasen Obretenov.

Përpilues: Vesella Krësteva

Përgatiti në shqip: Svetllana Dimitrova