Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Lajmet aktuale për Teatrin e Kukullave në Bullgari në anglisht dhe frëngjisht

Revista “KuklArt” për herë të parë në dy gjuhë – anglisht dhe frëngjisht

Foto: BGNES

Një histori e mbyllur në traditë dhe novitete! Kështu mund të përcaktojmë numrin e ri të revistës së vetme për teatër të kukullave në Bullgari “KuklArt” Magazine. Botimi del njëherë në vit dhe për herë të parë në historinë e vet 14 vjeçare është dygjuhëshe - në frëngjisht dhe anglisht, kurse publiku kryesor, ndaj të cilit është drejtuar numri, është ai ndërkombëtar. Revista duhej të prezantonte Bullgarinë në Kongresin Botëror të Asociacionit Ndërkombëtar të Teatrove të Kukullave UNIMA sivjet në Indonezi. Por, për shkak të situatës së vazhdueshme epidemiologjike, forumi u anulua dhe u zhvillua online. Por, revistë gjithsesi ka, mbi të gjitha në një format krejtësisht real prej letre dhe për herë të parë me dy kopertina prej autori.

224 faqe të mbyllura midis origamive të Kapka Kënevës, e cila është autore e botimit anglez, dhe “qëndisjeve” të Kalina Muhovës - autore e kopërtinës  franceze, dhe më shumë se 250 fotografi të zgjedhura, krejtësisht të ndryshme për të dyja versionet e revistës. “Ky numër është i orientuar krejtësisht  drejt kolegëve tanë nëpër të gjithë botën” - tregon redaktori i përgjithshëm i revistës doktori Mihaill Bajkov përpara BNR-programi “Hristo Botev”.

Mihaill Bajkov

“Revista ka disa rubrika tradicionale, një prej të cilave është “Historia, teoria, përvoja dhe polemika”. Sivjet vendosëm të ftojmë në rubrikë profesorin Sllavço Malenov, i cili të tregojë tërë historinë e teatrit të kukullave që nga zanafilla e deri në fillimin e viteve 90 të shekullit të kaluar. Donim që të rikujtonim se ne kemi një histori jashtëzakonisht të lashtë në këtë art dhe jemi disa nga krijuesit e Asociacionit Ndërkombëtar UNIMA.

Bashkë me këtë Bullgaria është shteti i tretë në botë, i cili krijon një arsim të lartë për teatrin e kukullave gjatë vitit 1962 dhe jemi një nga vendet e pakta, të cilat kanë një revistë të specializuar në këtë fushë. Pas kësaj ftuam Milena Millanovën për ta pezantuar metodologjinë e njërit prej reformatorëve më të mëdhenj në botën e teatrit të kukullave - Philippe Genty. Milena tregoi për punën e saj me këtë figurë jashtëzakonisht të madhe në teatrin e kukullave. Kemi dhe një artikull për festivalet bullgare.

Vendi ynë është shumë i pasur me festivale të teatrove të kukullave. Pjesa më e madhe prej tyre janë bienale dhe zhvillohen një vit po dhe një vit jo. Materiali është jashtëzakonisht i dobishëm për kolegët tanë jashtë shtetit, sepse përfshin informacion për këtë se kur zhvillohet çdo një festival, si mund të aplikohet për të marrë pjesë në të, a ka një program konkursi dhe juri, si mund të lidhen me organizatorët” - tregon doktori Mihaill Bajkov.

Revista e specializuar e përqendron vëmendjen mbi arsimin e lartë për teatër të kukullave në Bullgari. Pamjen reale për profesionin sot e japin disa nga regjisorët më të talentuar bullgarë dhe skenografë të teatrit të kukullave. Është bërë dhe një farë kartëvizite për përpara botës të të gjitha teatrove bullgare të kukullave, të cilat janë prezantuar me një shënim të shkurtër historik, menaxhimin e tyre aktual, pjesëmarrjet ndërkombëtare dhe çmimet.

Me këtë numër në dy gjuhë “KuklArt” tregon se arti bullgar i kukullave dhe krijuesit e tij janë në një nivel botëror - është më se kategorik doktori Bajkov.

KuklArt” është një botim i Asociacionit të Teatrove të Kukullave UNIMA dhe është krijuar në bazë të idesë së Kiriakos Argipopulos, drejtor i Teatrit të Kukullave të Kryeqytetit në vazhdim të shumë viteve. Del njëherë në vit që nga viti 2008.

Redaktore: Vesella Krësteva /në bazë të intervistës së Sillvija Çolevës nga BNR-“Hristo Botev”/

Përgatiti në shqip: Nataniela Vasileva

Foto: kuklart.bg



Последвайте ни и в Google News Showcase, за да научите най-важното от деня!

Më shumë nga rubrika

Një ekspozitë paraqet goblenë leshi dhe mëndafshi nga Flandra dhe Franca nga shekujt XVI-XVIII

Një koleksion unik i paneleve të tekstilit të Evropës Perëndimore (goblenë) prezantohet për herë të parë në Galerinë Kombëtare - Kuadrat 500 në sheshin "Aleksandër Nevski" në Sofje. Eksponatet janë dorëzuar nga Banka Popullore Bullgare në vitet..

botuar më 25-04-18 6.03.MD

Për herë të 32-të, Bosilegradi bëhet kryeqyteti ballkanik i gëzimit të fëmijëve për Pashkë

Për herë të 32-të, Festivali i Fëmijëve për Pashkë do të bashkojë fëmijë bullgarë nga vende të ndryshme në qytetin serb të Bosilegradit, në mënyrë që ata jo vetëm të tregojnë mjeshtërinë e tyre në përgatitjen e vezëve më të bukura dhe origjinale të..

botuar më 25-04-15 3.15.MD

E folura e bullgarëve në Shqipëri ende ruan pasurinë e të folurës popullore bullgare

Përdorimi i formave të respektit që tregojnë fillimin, zhvillimin dhe përfundimin e komunikimit tek bullgarët e Shqipërisë janë objekt analize në punën e Dr. Miranda Bello, lektore e gjuhës bullgare në Universitetin e Tiranës.  Ajo e mblodhi..

botuar më 25-04-06 10.05.PD