Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Sofia Art Fair 2025 – IMAGINE me vepra madhështore dhe ide të reja nga 13 shtete

Foto: Sofia Art Fair

Nga data 2 deri më 5 tetor, Sofia Tech Park mirëpret Sofia Art Fair 2025 – IMAGINE, panairin e vetëm ndërkombëtar për artin bashkëkohor në Bullgari. Ngjarja mbledh pjesëmarrës nga 13 shtete dhe figura të rëndësishme nga skena globale e artit, duke e kthyer kryeqytetin në një arenë të ideve, shkëmbimit kulturor dhe takimeve midis publikut dhe artit.

Një pikë kulmore këtë vit është projekti kuratorial "Expanded Perspectives" ("Perspektiva të Zgjeruara"), i cili del përtej sallave të ekspozitave dhe ndërthur artin me vetë peizazhin urban. Brenda këtij projekti, katër artistë të njohur evropianë prezantojnë vepra të mëdha dhe me ndikim, të cilat janë ekspozuar më parë në vende ikonike si Porta e Brandenburgut dhe Parlamenti Evropian.
Projekti LOVE HATE nga Mia Florentine Weiss
Ndër to janë: skulptura prej çeliku e Gabriella von Habsburg, që ndërthur formën abstrakte me mendimin arkitektonik; ambigram provokues (fjalë që mund të lexohet në mënyra të ndryshme në varësi të këndvështrimit) "LOVE HATE" e artistes gjermane Mia Florentine Weiss, e cila ngre çështjen mbi zgjedhjen personale dhe perspektivës; video-installacioni "Dicotomica" nga italiani Giuseppe Lo Schiavo, që eksploron tensionin mes natyrës dhe teknologjisë; si dhe skulptura "Spolu" e artistes çeke Sabina Knetlova, e cila i kushtohet temës së bashkësisë dhe përkatësisë.
Video-instalacioni Dicotomica nga Giuseppe Lo Schiavo
Gjatë forumit zhvillohen diskutime me pjesëmarrjen e drejtorëve kryesorë të muzeve evropiane, galeristëve, kuratorëve dhe ekspertëve ligjorë në fushën e kulturës. Ata debatojnë për të ardhmen e artit bashkëkohor, rolin e institucioneve dhe lidhjen mes artit, shoqërisë dhe zhvillimit të qëndrueshëm.
Skulptura Spolu nga piktorja Sabina Knetlova
Përpiloi: Veneta Nikollova

Përgatiti në shqip dhe publikoi: Kostandina Bello

Foto: Sofia Art Fair



Последвайте ни и в Google News Showcase, за да научите най-важното от деня!

Më shumë nga rubrika

"Cirkolution" në Sofje!

24 shfaqje të artistëve ndërkombëtarë dhe bullgarë, 15 punëtori cirku për fëmijë dhe të rritur, dy koncerte dhe një ekspozitë - "Mbretërit e Magjisë", presin banorët dhe mysafirët e Sofjes nga 2 deri në 5 tetor në kuadër të edicionit të ri të..

botuar më 25-09-28 8.05.PD

Nga data 20 tetor fillon programi i bullgaristikës në Universitetin e Illinoisit

"Një moment historik për Bullgaristikën në SHBA!" – me një postim me këtë titull, konsulli i përgjithshëm i Bullgarisë në Çikago, Svetosllav Stankov, njoftoi lajmin se më 20 tetor 2025, në Universitetin e Illinois-it në Urbana-Champaign, nis..

botuar më 25-09-24 4.20.MD
Stefan Komandarev

Në Varna, filmi “Made in EU” fitoi “Trëndafilin e Artë” të kinemasë bullgare për vitin 2025

Filmi “Made in EU”  me regji të Stefan Komandarev mori Çmimin e Madh për film artistik në edicionin e 43-të të Festivalit Bullgar të Filmit “Trëndafili i Artë” . Sipas jurisë, kjo është një vepër pa kompromis që, përveçse pasqyron frymën e..

botuar më 25-09-24 3.20.MD