Të gjithë punëtorët dhe punonjësit e vendit duhet të vaksinohen për të mbrojtur veten, të afërmit e tyre dhe vendin e tyre të punës. Për këtë bën thirrje në një letër të hapur Konfederata e Sindikatave të Pavarura në Bullgari, një nga dy sindikatat kryesore në vend. Sindikata thekson se faktet shkencore tregojnë qartë se vaksinat mund të parandalojnë sëmundje të rënda dhe të zvogëlojnë numrin e njerëzve të pranuar në spital me komplikime.

Të dhënat për Bullgarinë tregojnë se vetëm 1-2 për qind e të pranuarve në spital janë të vaksinuar me vetëm një dozë, dhe 98 për qin e atyre të shtruar në spital janë aktualisht pa vaksinë. Një rritje e re serioze e sëmundshmërisë mbart rrezikun e vendosjes së masave kufizuese dhe mbylljes së bizneseve, por kjo mund të ndryshohet përmes vaksinimit vullnetar kundër koronavirusit, sipas sindikatës.