Parlamenti Evropian diskutoi sanksionet e vendosura nga Shtetet e Bashkuara sipas ligjit global “Magnitski” mbi Vasill Bozhkov, Deljan Peevski dhe Ilko Zheljazkov dhe kompani të lidhura me ta. Gjatë debateve, eurodeputetët kërkuan një përgjigje nga Komisioni Evropian se si i percepton veprimet e Shteteve të Bashkuara dhe nëse, nga ana tjetër, do të ndërmarrë veprime kundër Bullgarisë dhe shteteve të tjera anëtare që kanë probleme me korrupsionin. Sipas eurodeputeteses bullgare Elena Jonçeva, asnjë raport i KE nuk merr parasysh atë që kanë vendosur Shtetet e Bashkuara dhe kritikat e komisionit ndaj vendit tonë janë shumë të kujdesshme. Një mision i Grupit të Monitorimit të Demokracisë në Parlamentin Evropian do të mbërrijë në Bullgari javën e ardhshme.