Vitin e dytë me radhë motoçiklistë nga qyteti Sliven (Bullgari Juglindore) organizuan një parakalim në qytet dhe pas kësaj në qendër u shpërndan karamele fëmijëve. Të gjithë ata ishin të veshur me kostume të Babagjyshit të Krishtlindjeve.

Edhe në rrugët e qytetit Plovdiv për Krishtlindjet u zhvillua një procesion bamirësie me motoçikletë nën moton “Hape zemrën, jep një buzëqeshje”. Veprimtaria ishte në mbështetje të fëmijëve të pafavorizuar.

Me një procesion motoçiklistësh të veshur si Babagjyshi i Krishtlindjeve, në qytetin Pleven (Bullgari Qendrore Veriore) përfundoi fushata “Moto Krishtlindjet”. Ajo mbahet për të 10-tin vit dhe mbledh fonde për trajtimin dhe rehabilitimin e fëmijëve të sëmurë. “Fushata e këtij viti ishte jashtëzakonisht e suksesshme”, tha Bozhana Kostova nga organizatorët, e cila ishte me djalin e saj 8 muajsh.