Bullgaria mbështet fillimin e negociatave të pranimit në BE me Ukrainën dhe Moldavinë. Kjo u deklarua në Luksemburg gjatë Këshillit të Punëve të Jashtme të BE-së nga Ministri i Jashtëm bullgar Georg Georgiev. Komisionerja e BE-së për Zgjerim Marta Kos deklaroi se kjo mund të ndodhë deri në nëntor.

I pyetur se si do të bashkëpunonte Sofja me bullgarët në Taraklia, të cilët janë jashtëzakonisht pro-rusë dhe kjo është e dukshme në zgjedhjet parlamentare në Moldavi, Ministri Georgiev u përgjigj:

"Është pikërisht aktiviteti i një shteti anëtar si Bullgaria në këto rajone që është çelësi për të luftuar propagandën, dezinformimin dhe veprimet hibride ruse. Ju e dini që në maj isha në Moldavi. Pastaj hapëm degën e parë të një universiteti bullgar jashtë vendit. Përhapja e gjuhës, kulturës dhe shkencës sonë është pikërisht mjeti me të cilin luftojmë kërcënimet hibride. Unë besoj se ky është një nga prioritetet tona, i ndarë me qeverinë moldave", tha Georgiev. Ai shtoi se është diskutuar me Kishinaun që kryetarët e bashkive nga rajoni i Taraklia-s të vizitojnë Bullgarinë për të parë se si funksionojnë komunat bullgare, cilat janë përfitimet e fondeve të BE-së dhe për të pasur një ide të vërtetë se çfarë është BE-ja, raporton BGNES.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: mfa.bg