Piktorët janë një racë e veçantë e qenieve njerëzore. Shumë prej tyre jetojnë sipas rregullave të veta, sepse dashuria për lirinë nuk i lejon të bien në kallëp dhe të bëjnë të njëjtën gjë, në të njëjtën mënyrë gjithë jetën. Para 30 vitesh, në 1992, arti figurativ bullgar humbi një nga talentet e tij të jashtëzakonshme – piktori Dimitër Kazakov – Neron (1933-1992). Për të siguruar të ardhura të qëndrueshme, Kazakov punonte ndër vite si artist posteri, piktor në një fabrikë ushtarake e gjetkë, derisa zgjodhi fatin e një artisti të pavarur në kryeqytet. Shumë prej veprave të krijuar prej tij nuk lejohej të ekspozoheshin në Bullgarinë socialiste, por ato që ai arriti të prezantojë jashtë shtetit, u vlerësuan shumë lartë nga admiruesit. Ekspozita të suksesshme me vete piktori arriti të prezantojë në Greqi, Zvicër, Austri, ShBA, Francë, Spanjë, Japoni, Kuvajt.
Në vitin 1981, Dimitër Kazakov braktisi pikturën për shkak të alergjisë së tij të rëndë ndaj bojërave të vajit. Megjithatë, ai nuk mendoi për asnjë moment të hiqte dorë nga piktura. Pothuajse menjëherë i zëvendësoi ato me bojëra akrilike dhe me bojëra uji. Ai gjithashtu zotëroi hollësitë e skulpturës dhe gdhendjes në dru. Gjatë jetës së tij 59 vjeçare, Dimitër Kazakov i la trashëgimi artit bullgar mbi 15 000 piktura, akuarele, grafika, vizatime, plastikë dhe qeramika të pikturuara dhe pikturat e tij janë ndër më të vlerësuarat.Përpilues: Joan Kolev
Përgatiti në shqip: Svetllana Dimitrova
Drama biografike 138-minutëshe e Italisë, Francës dhe Spanjës “Limonov” fitoi Çmimin e Madh për Përshtatje Mjeshtërore Letrare në Konkursin Ndërkombëtar të Filmit me metrazh të gjatë Cinelibri . Favoriti u shpall nga kryetarja e jurisë, aktorja..
Pak ditë më parë në qytetin tonë të Detit të Zi Burgas u hap një hapësirë ku arti, shkenca dhe magjia i japin dorë njeri tjetrit. Mysafirët e Muzeut të ri të së Pamundshmes transportohen në botët paralele për të mësuar më shumë rreth universit...
Institucioni më i madh i arsimit të lartë në Portugali ka 252 000 studentë, 20 000 prej të cilëve janë nga kombësi të tjera. Në këtë konglomerat të veçantë kulturash, një vend të veçantë për më shumë se 30 vjet ka edhe kultura bullgare. Lektorati i..
Reshje shiu/dëbore
Vranësira
Reshje
Dëborë 
Shi bore
Reshje intensive
Vranësira