Banorët e rajonit të Ivajlovgradit kërkojnë hapjen e pikës kufitare Ivajllovgrad-Kiprinos me Greqinë, e cila është mbyllur prej dy vitesh. Peticioni i tyre në internet tashmë është nënshkruar nga 229 persona, ndërsa qytetarët e tjerë kanë kërkuar që grumbullimi i nënshkrimeve të vazhdojë në letër, transmeton BTA. Organizatorët e nismës i janë drejtuar për mbështetje Presidencës, e cila i është përgjigjur se kërkesa e tyre i është drejtuar Ministrisë sonë të Jashtme. Sipas vendasve, pika e mbyllur ka një efekt të dëmshëm në ekonominë e rajonit, si dhe kufizon mundësinë e punësimit sezonal të të papunëve në Greqinë fqinje. Para mbylljes së pikës kufitare, hotelet dhe restorantet lokale kanë gëzuar frekuentim të mirë nga Greqia fqinje, por aktivitetet turistike janë ngrirë për dy vjet dhe dyqanet kanë humbur shumë prej klientëve të tyre.