20 marsi është data e mundshme për përheqjen e të gjitha kufizimeve për Covid në Bullgari, duke përfshirë edhe revokimin e Certifikatës së Gjelbër. Këtë e tha Kryeministri Kirill Petkov në një brifing të jashtëzakonshëm. Certifikata e Gjelbër do të vazhdojë të jetë e vlefshme vetëm për udhëtimet jashtë shtetit.

Petkov tha se krahinat në vend kalojnë nga zona e kuqe në të të verdhë dhe pastaj edhe në zonën jeshile me sëmundshmëri të ulët. Ministrja e Shëndetësisë Asena Serbezova paralajmëroi se vaksinimi duhet të vazhdojë.

Nga data 24 shkurt çdo pronar i një objekti publik, me gjykim të tij, mund të lejojë hyrjen e personave pa certifikatë të gjelbër.

Nga data 5 mars do të hiqet kërkesa për certifikatën e gjelbër për vizitorët e objekteve me rëndësi publike.

Kontrolli shëndetësor kufitar do të kryhet sipas zonave të ngjyrave duke hequr grupin e vendeve nga lista e kuqe e errët, domethënë të gjithë me certifikatë jeshile do të mund të hyjnë në vendin tonë, nga çdo vend i botës.