“Nëse ka gabim, ka dhe falje” kjo është një thënie e vjetër popullore, e cila dhe sot e shoqëron jetën e bullgarit. Në traditat tona popullore ka ditë në të cilat falja e të gjitha shkeljeve dhe mëkateve është e detyrueshme. Më e rëndësishmja prej tyre është sot - Falja, e quajtur bullgarisht Sirnica ose Sirni Zagovezni.
Të dielën e fundit përpara fillimit të Kreshmës së Madhe të rinjtë shkojnë të kërkojnë falje nga prindërit e vet, nga pagëzuesit, nga kumbarët e kështu me radhë, njerëzit nga të cilët marrin një ndihmë dhe përkrahje gjatë vitit. Në mbrëmje, përpara se familja të ulet rreth tavolinës, në shtëpi po kështu kryhet riti për faljen e gabimeve. Më të rinjtë e puthin dorën e më të rriturve dhe thonë: “Më fal!” dhe përgjigja është: “Të faltë Zoti! Je i falur!” Pas kësaj i vjen radha darkës festive. E quajnë akoma të Lidhurat për Lamtumirë. Tradita urdhëron që gjatë gjithë ditës në të Lidhurat e Djathit të hahet djathë, gjalpë, vezë e të tjera, produkte të qumështit sepse që të gjitha ato bien nga menyja në ditën tjetër, kur fillojnë Kreshmët e Pashkës.
Pas darkës i vjen radha ritualit më dëfryes për fëmijët - “hamkane”
Mbi tavolinë lidhet një fije peri prej leshi në fundin e të cilit lidhet një vezë, djathë ose hallvë e bardhë. Pas kësaj peri tundet dhe çdo një nga të pranishmit mundohet që të kapë gjërat e lidhura në të vetëm me gojë. Besimi është se ai që i pari arrin ta kapë kafshatën do të gëzojë shumë shëndet dhe fat gjatë vitit.
Përpiloi: Vesella Krësteva
Përgatiti në shqip: Nataniela Vasileva
Foto: BGNES
Në rrugën Sofje - Samokov përballë rrjedhës së lumit Iskër, pranë kthesës së madhe piktoreske midis fshatrave Kokaljane dhe Pasarell pranë Urës së Djallit ndodhet kodra Srednobërdie. Aty lumi Vedena derdhet në lumin Iskër dhe malet Lozen dhe..
Hyrje e Hyjëlindëses së Tërëshenjtë në Tempull është një nga festat më të lashta dhe më të nderuara në botën ortodokse, e prezantuar në Kostandinopojë rreth shekullit të VIII-të, në kohën e Patriarkut Tarasij. Vetëm gjashtë shekuj më vonë, festa filloi..
Në një mëngjes të ftohtë nëntori të vitit 1917, në kulmin e Luftës së Parë Botërore, një zepelin L 59 u ngrit nga baza afër Jambollit për në Tanzani. Qëllimi ishte furnizimi i municioneve dhe materialeve për njësitë ushtarake gjermane të vendosura në..
Në rrugën Sofje - Samokov përballë rrjedhës së lumit Iskër, pranë kthesës së madhe piktoreske midis fshatrave Kokaljane dhe Pasarell pranë Urës..
Pjesërisht me re
Vranësira të dendura