Bullgaria nuk do të dërgojë ndihmë ushtarake në Ukrainë, thanë Ministrja e Ekonomisë Kornelija Ninova dhe Ministri i Inovacionit Daniell Llorer. Ata mohuan informacionet për këtë në mediat perëndimore. Një kërkesë e tillë nuk do të kishte mbështetje, theksoi Ninova.

Seanca e qeverisë më 17 mars nuk u shty për shkak të mosmarrëveshjeve rreth vizitës së pritshme të Sekretarit të Mbrojtjes së SHBA-së në Sofje, thanë të dy.

Në një video në Facebook, Ambasadorja ruse në Sofje Elenora Mitrofanova tha: “Dëshiroj të paralajmëroj autoritetet zyrtare bullgare se furnizimet me armë (përfshirë ato me origjinë sovjetike) dhe municione për ukrainasit nuk ka gjasa të shtojnë optimizëm në dialogun dypalësh, i cili tani është i përkeqësuar”.