Komisioni Evropian u ka paguar më shumë se 3.5 miliardë euro vendeve anëtare të BE-së për refugjatët ukrainas, nga të cilët Bullgaria ka marrë 148 milionë euro në fonde kohezioni. Sipas Zëvendëskryeministres për Qeverisje Efektive, Kalina Konstantinova, 148 milionë euro janë paradhënie në kuadër të programit REACT-EU, të ndara mënjanë për mbështetje solidariteti për shtetet anëtare gjatë pandemisë Covid. Gjatë një diskutimi në Shtëpinë e Evropës me temë “Rruga e refugjatëve ukrainas në Evropë dhe në Bullgari”, Konstantinova shprehu shpresën se javën e ardhshme do të nisë një masë në lidhje me mbështetjen e punësimit - mbështetje për qiranë për tre muaj përmes punëdhënësit dhe për të stimuluar në këtë mënyrë punësimin e refugjatëve nga Ukraina. Konstantinova shtoi se ngutet me dy masa të tjera që kanë të bëjnë me mbështetjen e sektorit joqeveritar për punën në terren dhe krijimin e qendrave për fëmijë. Sipas saj, Bullgaria zë vendin e parë në Bashkimin Evropian për nga përqindja e dokumenteve të lëshuara për mbrojtjen e përkohshme të refugjatëve dhe deri më tani janë mbi 85 për qind.