Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët në Serbi duan të jenë një urë lidhëse drejt Bullgarisë dhe BE-së

Ilijana Jotova
Foto: stop kuadër

Nënpresidentja Ilijana Jotova hapi konferencën “Zërat bullgarë për Evropën” në Bosilegrad të Serbisë. Forumi organizohet nga Agjencia Telegrafike Bullgare (BTA), me mbështetjen e Parlamentit Evropian. Jotova theksoi se bizneset bullgare dhe serbe duhet të investojnë në Bosilegrad, sepse në këtë mënyrë të rinjtë mund të gjejnë perspektivë dhe të qëndrojnë në vendet e tyre të lindjes.

“Evropa është para së gjithash të drejtat e njeriut. Aty ku mungojnë, Evropa nuk ekziston dhe kjo duhet të jetë e qartë për të gjitha vendet - si ata që janë tashmë anëtarë të BE-së ashtu edhe ata që kanë nisur për në atje”, tha Nënpresidentja.

“Fatkeqësisht, kohët e fundit shihen procese që tregojnë një tërheqje nga vlerat evropiane në Ballkanin Perëndimor”, tha në forum Konsulli i Përgjithshëm i Bullgarisë në Nish Dimitër Canev.

“Duke folur për Evropën, e kemi parasysh vendin ku shkojnë fëmijët tanë për të kërkuar të ardhmen e tyre. BE-ja duhet të jetë kudo ku jetojnë njerëzit, t’u japë atyre mundësinë të punojnë, të investojnë, të shprehin pikëpamjet e tyre dhe të ndjehen të lirë në një botë demokratike. Rruga drejt BE-së është rruga të cilën duhet ta ndjek Serbia”, tha në diskutim Nevenka Kostadinova, deputete e Kuvendit të Serbisë nga Partia Progresive Serbe në pushtet.

“Si pakicë ne duam të jemi një urë që lidh, jo një urë nëpër të cilën kalohet”, shtoi Kostadinova.

Eurodeputeti Andrej Kovaçev bëri thirrje për mbështetje aktive shtetërore për komunitetet historike bullgare jashtë vendit dhe mbështetje financiare për zhvillimin e tyre. Ai dha si shembull Hungarinë, ku me “të gjitha kritikat” ndaj Victor Orbanit, që nga viti 2016 ai ka investuar 350 milionë euro në komunitetet hungareze jashtë vendit. Kovaçev kërkoi ndryshimin e Ligjit për Shtetësinë Bullgare dhe procedura të shpejta, të lehta dhe transparente për marrjen e shtetësisë bullgare.




Последвайте ни и в Google News Showcase, за да научите най-важното от деня!

Më shumë nga rubrika

Natalija Kisellova me minoritetin bullgar në Shqipëri

Kryetarja e Parlamentit Natalija Kisellova u uroi bullgarëve në Shqipëri që të ruajnë identitetin e tyre

Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija Kisellova vizitoi Shqipërinë për të marrë pjesë në seancën e 12-të plenare të Asamblesë Parlamentare për..

botuar më 25-06-10 10.26.PD

Nikollaj Kandillarov për çajin si një përvojë që krijon komunitet

Kushtet e paqëndrueshme dhe të paparashikueshme të motit këtë pranverë, me luhatje të mëdha të temperaturave, i detyruan banorët e kryeqytetit që, përveç veshjeve të pazakontë të trasha për këtë sezon, të preferojnë pijet e ngrohta.Kështu u gjendëm në..

botuar më 25-06-09 7.05.MD

Një organizatë joqeveritare u shpall për ndalimin e reklamave të ushqimeve të pashëndetshme që u drejtohen adoleshentëve

Një ndalim ligjor për reklamimin e ushqimeve me përmbajtje të lartë sheqeri, yndyre dhe kripe të destinuara për fëmijët nën 18 vjeç është ajo që kërkon Shoqata për Ushqim të Përballueshëm dhe Cilësor, njofton gazetarja e BNR-së Veselina Millanova...

botuar më 25-06-09 9.47.PD