Pas debateve të gjata dhe të ashpra që zgjatën më shumë se 5 orë, deputetët votuan shkarkimin nga detyra të kryetarit të Kuvendit Popullor Nikolla Minçev. Lirimin e kryeparlamentarit kundërshtuan 113 deputetë dhe pro votuan 125 nga gjithsej 239. Para votimit, Nikolla Minçev theksoi se “ka një shumicë të re në sallën plenare”, e cila nuk sjell ndryshim, por do të ruajë modelin që ai shpresonte ta ndryshonte.

“Në këto kushte nuk jam i bindur nëse është e udhës të mbetem kryetar i Kuvendit Popullor”, komentoi tashmë ish-kryeparlamentari.

Dorëheqjen e tij e kërkoi dje grupi parlamentar i “Ka një popull të tillë” (ITN), për shkak të shkeljeve sistematike të rregullores së Kuvendit Popullor dhe provës për të penguar seancën dëgjimore të Ministres së Jashtme Teodora Gençovska për çështjen e bisedimeve për anëtarësimin e Republikës së Maqedonisë së Veriut në BE.

Në të njëjtën kohë, para Kuvendit u mbajt një protestë në mbështetje të Nikolla Minçevit. Pjesëmarrësit në të e përshkruan Minçevin si "kryetarin më të nderuar dhe më të denjë të Kuvendit Popullor që kemi pasur ndonjëherë". Pjesëmarrësit shprehën mendimin se "mafia dëshiron të vendosë kukullat e veta, të cilave mund t'i tërheqë fijet" dhe se në Bullgari po bëhet një grusht shteti kundër një qeverie të zgjedhur ligjërisht.