27 për qind e bullgarëve që punojnë ose 840 mijë njerëz nuk mund të përballojnë pushimet e një jave, ndërsa në Evropë kjo i referohet gjithsej 38 milionëve, sipas një sondazhi të Konfederatës Evropiane të Sindikatave, të cituar nga Konfederata e Sindikatave të Pavarura në Bullgari. Kriza dhe kostot në rritje po shtojnë presionin dhe gjithnjë e më shumë njerëz thonë se po luftojnë për të mbijetuar. Sipas ekspertëve sindikalë, ka shumë gjasa që tendenca negative të thellohet më tej si pasojë e inflacionit. Prandaj Konfederata Evropiane e Sindikatave kërkon që të merren masa urgjente për tejkalimin e varfërisë. Konfederata e Sindikatave të Pavarura në Bullgari kërkoi tashmë një rritje të re të pagës minimale në 800 leva (409 euro) nga vjeshta, për të ulur numrin e të varfërve që punojnë në vendin tonë.