Më shumë se 1 milion dollarë – ky është çmimi për të cilin sipërmarrës nga 200 vende konkurrojnë për Kupën Botërore të Sipërmarrjes. Për vit të dytë të radhës Fakulteti Ekonomik në Universitetin e Sofjes “Shën Kliment Ohridski” organizon përzgjedhjen kombëtare për konkursin prestigjioz.  Deri në pjesëmarrje lejohen firma të regjistruara pas 1 dhjetorit të vitit 2015 në Bullgari ose ekipe që planifikojnë të krijojnë një kompani në Bullgari. Vetë konkursi kalon në tre faza - faza ideore, faza e hershme dhe faza e rritjes. Afati përfundimtar për anëtarësim  është 31 gushti 2022. Një juri kombëtare, e përbërë prej 14 pedagogëve universitar, drejtuesve të bizneseve të suksesshme dhe drejtorësh të institucioneve bankare do të zhvillojë një seleksionim paraprak dhe do të nominojë sipërmarrësit më të mirë për pjesëmarrje në finalet, të cilat do të zhvillohen gjatë muajit nëntor 2022 në Arabinë Saudite. Seleksionimi i pjesëmarrësve bullgarë në edicionin e katërt të Kupës Botërore për sipërmarrësi është në përshtatje me qëllimin e rëndësishëm të shkollës të përkrahë ekosistemin sipërmarrës në Bullgari.

Përgatiti në shqip: Nataniela Vasileva