Vendi ynë është gati për një rritje të mundshme të numrit të të infektuarve me Covid-19 - sistemi është i pajisur me ilaçe, dhe numri i shtretërve të kujdesit intensiv është ruajtur. Këtë e bëri të ditur Ministri i Shëndetësisë në detyrë Asen Mexhidiev gjatë vizitës së tij në Dobriç, ku u hap reparti i renovuar i urgjencës në spitalin e qendrës rajonale. Ministri theksoi se edhe nëse do të ketë rritje të numrit të të infektuarve, ashpërsia e sëmundjes nuk do të jetë e njëjtë si në valët e mëparshme.

Zgjedhjet do të mbahen me kufizime minimale në lidhje me Covid-19, theksoi Mexhidiev. “Nuk vendosen ndalime dhe masa kufizuese. Shumica janë të natyrës këshilluese”, tha ai. E njëjta gjë vlen edhe për institucionet arsimore - nuk ka plane për mbylljen e tyre, rekomandohen të gjitha masat kufizuese, njoftoi korrespondentja jonë Maja Shtërbanova.