Për shkak të rritjes së fluksit të migrantëve, një gjendje e pjesshme e jashtëzakonshme u shpall në një pjesë të rajoneve të qyteteve Burgas, Haskovo dhe Jamboll, tha në Mallko Tërnovo, ushtruesi i detyrës së Ministrit të Brendshëm Ivan Demerdzhiev. Kjo do të lehtësojë procedurat për riparimin urgjent të rrugëve pyjore që çojnë në kufi.

Për shkak të presionit të shtuar të fluksit të migrantëve, guvernatori rajonal i qytetit Haskovo, Minko Angellov, vendosi një gjendje të pjesshme të jashtëzakonshme në komunat Svilengrad dhe Topollovgrad. Regjimi është në fuqi deri më 29 shtator. Qëllimi është të shmangen “humbjet e jetës njerëzore, dëme të konsiderueshme në pronën e popullsisë dhe në ekonomi, si dhe dëmtime në mjedis” përgjatë kufirit turko-bullgar, theksohet në arsyet.

Sipas Ministrisë së Brendshme, nga fillimi i vitit 2022 deri më 18 shtator, 103 998 persona tentuan të hyjnë ilegalisht në Bullgari nga Turqia. Për të njëjtën periudhë të vitit të kaluar, rritja ishte 3.4 herë. Vetëm për javën e tanishme, 5864 emigrantë sulmuan kufirin, dhe javën e kaluar ishin 5254.