Përleshje shoqëruan ditën e fundit të referendumeve të mbajtura në territoret e okupuara të Ukrainës. Moska pritet të shpallë rezultatet që më 27 shtator dhe deri më 1 tetor Duma e Shtetit do të shpallë zyrtarisht aneksimin e rajoneve të pushtuara, njoftoi Instituti për Studimin e Luftës - ISW.

Me shumë viktima, njësitë ruse vazhdojnë të sulmojnë me këmbëngulje mbrojtjen ukrainase në rajonin e Doneckut. Në seksionet e tjera përgjatë frontit 1000 kilometra, ushtria ukrainase po bën një ofensivë, njoftoi Zëvendësministrja ukrainase e Mbrojtjes, Anna Maljar.

Presidenti ukrainas Volodimir Zelenski theksoi gjithashtu se luftime të ashpra po zhvillohen në rajonin e Doneckut dhe shtoi se përparimi rus atje do të hynte në historinë ushtarake si një shembull i sakrificës më cinike të ushtarëve. Sipas Zelenski, mobilizimi i shpallur në Rusi “është një përpjekje për të siguruar një rrjedhë të vazhdueshme të mishit për top” për komandantët rusë.