B.T.R. dhe “Ahat” - dy nga grupet më të njohura të rokut në Bullgari, prezantojnë këngën e tyre të parë të përbashkët. Ajo quhet “Besimi” dhe u krijua në bazë të një teksti të poetit Volen Nikollaev, shkruar për B.T.R. në vitin 2008, muzika është e Sllavço Nikollovit. Në këngë do të dëgjoni zërat ikonë të vokalistëve të dy grupeve Nasko (Atanas Penev nga B.T.R.) dhe Zvezdi (Zvezdomir Keremidçiev nga “Ahat”).
Nga ekipi i B.T.R. mësuam se muzikantët vazhdojnë të performojnë në mënyrë aktive koncerte solo në të gjithë vendin. Vazhdon turneu “Myzikëll dhe Rok”, nën drejtimin e dirigjuesit Georgi Patrikov, në të cilin marrin pjesë orkestra dhe solistët nga Teatri i Muzikës dhe Dramës “Konstantin Kisimov” - Veliko Tërnovo. Programi përfshin hitet e grupit B.T.R. “Të shikoj ty”, “Nuk ka kthim prapa”, “Takim”, “Pse”, “Shpëtim” dhe vepra ikonike nga Andrew Lloyd Webber, George Gershwin dhe të tjerë.
Përpilues: Allbena Bezovska
Përgatiti në shqip: Svetllana Dimitrova
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...