Një nga forumet më të rëndësishme të xhazit në Bullgari – Plovdiv Xhaz Fest – filloi në korrik me një edicion në fshatin Markovo, për të vazhduar në vjeshtë në Plovdiv, kur tradicionalisht mund të presim një takim me disa nga emrat më madhështorë të xhazit në botë.
Nga 7 deri më 9 nëntor, në skenën e Shtëpisë së Kulturës “Boris Hristov” në Plovdiv, do të kemi mundësinë të dëgjojmë live muzikantë të nivelit botëror.
Përpara programit mbresëlënës të vjeshtës, Plovdiv Xhaz Fest do t'u bëjë një dhuratë tjetër dashamirësve të muzikës në gusht. Sipas një tradite tashmë 4 vjeçare, do të mbahet një koncert falas në ajër të hapur në qendër të fshatit Markovo - më 21 gusht do të dëgjojmë klarinetistin virtuoz Ivo Papazov-Ibrjama dhe orkestrën e tij "Trakia". Dhe këtë herë programi veror i festivalit i kushtohet xhazit ballkanik dhe etno, world music dhe në përgjithësi - përzierjes së tingujve të xhazit me muzikën tradicionale.
Muzikanti me famë botërore Ivo Papazov-Ibrjama lindi në Kërxhali (Bullgaria Jugore) në një familje muzikantësh të trashëguar nga Dedeagaç. Emri i lindjes i muzikantit është Ibrjam Hapazov. Ai filloi të luante që në fëmijëri dhe për më shumë se 50 vjet ka përzier kulturën muzikore rome, folklorin bullgar, ritmet turke, greke dhe ballkanike, xhazin dhe funkun. Muzikanti e bën këtë në një mënyrë absolutisht të paimitueshme dhe të dallueshme shumë përtej kufijve të vendit. Disa vjet më parë, Ivo Papazov-Ibrjama mori çmimin e madh të Festivalit Ndërkombëtar për Muzikë Botërore dhe Elektronike WOMEX 2022 për arritje të jashtëzakonshme në muzikë në shkallë globale, mjeshtëri muzikore, rëndësi shoqërore, ndikim politik dhe kreativitet të përgjithshëm.
Sot, së bashku me orkestrën e tij, të përbërë prej muzikantësh nga grupe të ndryshme etnike dhe nga pjesë të ndryshme të Bullgarisë, Ibrjama merr oferta për koncerte në të gjithë botën. Ai luajti për herë të parë jashtë vendit në vitin 1988. Gjatë kësaj periudhe, u afrua me muzikantin e madh bullgar të xhazit Millço Leviev, me të cilin luajtën së bashku. Leviev e prezantoi atë me producentin e famshëm amerikan Joe Boyd. Ishte ai që krijoi kushtet që muzika e Ivo Papazov-Ibrjama të ishte e njohur në të gjithë botën. Boyd mbetet producenti i tij edhe sot e kësaj dite. Në vitin 2005, ishte Joe Boyd ai që i dha atij çmimin e radios britanike BBC Radio 3 në renditjen prestigjioze World Music Audience Award për albumin "Fairground". Në botime të njohura si The Guardian, The Washington Post dhe The New York Times, ai u quajt "Benny Goodman-i bullgar" dhe "klarinetisti më i madh në Ballkan".
Ju ofrojmë “Kërxhalijska Rëçenica” në interpretim të Ivo Papazov-Ibrjama dhe orkestrës "Trakia" me dirigjent Dimitër Trifonov.
Përgatiti në shqip dhe publikoi: Vesella Mançeva
Foto: @ApolloniaFestival, Facebook /Plovdiv Jazz Fest
Me rastin e festës së 6 Shtatorit, kushtuar një ngjarjeje të rëndësishme historike – Bashkimit të Bullgarisë, kujtojmë një marsh legjendar patriotik bullgar. Me siguri në shtatorin e vitit 1885, “Një Amanet” nuk ka shoqëruar as kryengritjet popullore në..
Vasill Najdenov, një nga këngëtarët më të dashur bullgarë të muzikës pop, feston sot, 3 shtator, ditëlindjen e tij të 75-të. Duke filluar karrierën e tij profesionale në fillim të viteve 1970, ai ka punuar me interpretuesit dhe kompozitorët më të..
MONA është pseudonimi krijues i Simona Petrovës. Edhe pse shumë e re, ajo ka bërë një rrugë të gjatë nga një fëmijë i ndrojtur në qytetin e saj të lindjes, Kjustendill, deri në një këngëtare të sigurt në skenë me pjesëmarrje në konkurse dhe forume..
Me rastin e festës së 6 Shtatorit, kushtuar një ngjarjeje të rëndësishme historike – Bashkimit të Bullgarisë, kujtojmë një marsh legjendar patriotik..
Mot i kthjellët
Vranësira të dendura
Pjesërisht me re