Ngjyra magjepsëse e artit dhe zanateve iraniane do të prezantohet në Muzeun Etnografik Rajonal të Plovdivit nga 13 dhjetori. Ekspozita "Magjia e artit dhe artizanatit iranian" është me rastin e 125 vjetëve të marrëdhënieve diplomatike dhe 70 viteve të marrëdhënieve kulturore midis Bullgarisë dhe Iranit.
Punimet e mjeshtërve, të cilat do të prezantohen në vëmendjen e publikut bullgar, zbulojnë bukurinë unike të artit iranian dhe bëjnë përshtypje me elegancën, modelet dhe dizajnet e tyre, duke zbuluar pjesë të traditës dhe kulturës së lashtë iraniane. Vizitorët e muzeut do të mund të prekin artet dhe zanatet iraniane që janë ruajtur për mijëvjeçarë.
Punimi i qilimave është ende një nga zanatet më të praktikuara në Iran. Edhe pse sot ky proces është i mekanizuar, rreth 1.2 milionë iranianë vazhdojnë të jenë të përfshirë në prodhimin e qilimave të famshëm persianë, si për eksport, ashtu edhe për shitje në vend. Një vepër e tyre është edhe qilimi më i madh i punuar me dorë, me një sipërfaqe prej 5625 metrash katrorë.
Ekspozita do të prezantohet para publikut për herë të parë dhe do të jetë e disponueshme për t'u parë deri në mes të janarit 2023.
Përpiloi: Joan Kolev
Përgatiti në shqip: Vesella Mançeva
Foto: Muzeu Etnografik Rajonal të Plovdivit
Bozhana Sllavkova fitoi konkursin më të madh ndërkombëtar të poezisë "Mili Dueli", duke qenë autorja e parë bullgare që fitoi çmimin e madh. Në edicionin e 9-të të konkursit morën pjesë 711 autorë nga 104 vende. Tre bullgarë arritën në 50-shen..
Krijuesi bullgar Dian Kostov transformon bazilikën më të madhe në Bruksel me ekspozitën-instalim “Udhëkryq – çmimi i zgjedhjes”, shkruan BTA. Skena 17 metra nga jeta e Krishtit dhe Virgjëreshës Mari, do të mund të shihen në fasadën e Bazilikës..
Shkrimtari shqiptar Grigor Banushi mbërrin në Bullgari për premierën e romanit të tij të ri "Simfonia e pambaruar”, në përkthim të doc. Ekaterina Tërpomanova, ish-kolege nga Redaksia e Gjuhës Shqipe . Ngjarja do të mbahet në Universitetin e..