Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Çfarë hamë: A është i cilësisë së mirë mishi i pulës në tregun bullgar?

Unioni i Mbarështuesve të Shpendëve në Bullgari këmbëngul për kontroll të zgjeruar sanitar dhe financiar

Foto: Pixabay

Gjendja e sektorit të rritjes së shpendëve në Bullgari është jashtëzakonisht alarmante. Ngadalë por me siguri, prodhuesit bullgarë po humbasin pozitat e tyre në tregun vendas, mesatarisht me 5% në vit, dhe kërkesat e mbarështuesve të shpendëve janë injoruar nga disa qeveri të njëpasnjëshme bullgare.

“Mishi polak dhe ai hungarez vjen në vend të mishit bullgar, vjen gjithmonë në Bullgari të premten në mbrëmje dhe nuk do të thosha se cilësia e tij është më e mirë - pohon Ivajllo Gëllëbov, kryetar i Unionit të Mbarështuesve të Shpendëve në Bullgari dhe saktëson: - Ne kemi arsye të mjaftueshme për t'i kërkuar Agjencisë Bullgare të Sigurisë Ushqimore që të kontrollojë vazhdimisht për salmonelën, sepse të premten pasdite, para larjes së thertoreve, kur rreziqet e salmonelës janë më të larta, Polonia dhe Hungaria e dërgojnë prodhimin e tyre në vendet ku kontrolli është i ulët, duke përfshirë edhe Bullgarinë”.

Sindikata e mbarështuesve të shpendëve ka tre kërkesa: kontroll fiskal, kontroll të cilësisë (përkatësisht datën e skadencës dhe mungesën e salmonelës) dhe etiketim korrekt të produkteve finale. “Mekanizmi është i njëjtë dhe vlen për të gjithë mishrat në treg”, thekson Gëllëbov.

Etiketimi është një problem kryesor. Në dyqane, në asnjë produkt nuk shkruhet saktë nëse produkti është marrë nga një mish i freskët dhe cila është origjina e tij. Nëse shkruhet: "Kjo fileto ose ky biftek është bërë nga pula polake e shkrirë", nuk jam i sigurt se do të blihet me të njëjtën dëshirë siç blihen produktet më të lira për momentin. Ne jemi një nga konsumatorët më të varfër në Evropë dhe njerëzit tundohen nga çmimi. Por nëse ka informatë të qartë për produktin, çdo përdorues do të jetë i qartë nëse të blejë produktin përkatës apo jo. Thjesht duam rregulla të njëjta në treg dhe për këtë insistojmë para disa qeverive radhazi”, theksoi bashkëbiseduesi ynë.

“Është një praktikë normale të shkrihet mishi i ngrirë dhe të gatuhet - shpjegon Ivajllo Gëllëbov. - Por çfarë bëhet në disa raste? Blihet mish i ngrirë, i cili është i lirë, sepse pas ngrirjes fillestare, çmimi bie me 20% për shkak të cenimit të cilësive të shijes. Ky mish shkrihet, pritet, aromatizohet, ngrihet përsëri dhe ofrohet për pjekje ose gatim. Nuk ka interes për mishin e ngrirë në Evropë, kështu që ai dërgohet në destinacione ku ka interes për produkte të tilla. Bullgaria është një prej tyre”.

Në legjislacionin evropian, kjo mënyrë e trajtimit të mishit nuk është e ndaluar, por zbatohet për produktet e trajtuara me nxehtësi, të cilat pas këtij procesi ngrihen për të pasur një afat të gjatë skadimi. Bëhet fjalë për të gjitha llojet e mishit të pulës, kroketat etj.

Bëhet fjalë për shkrirje, shtim uji dhe fosfatesh etj., kështu që produkti të jetë fitimprurës. Në fakt shkrirja dhe aromatizimi sjell një vlerë të shtuar për operatorët dhe një shije të keqe në gojën e konsumatorëve, si dhe një amëz edhe më të keqe për mbarështuesit e shpendëve në Bullgari, të cilët kanë vendosur ta nxjerrin bukën e gojës me një biznes të ndershëm”.

Duhet të kërkohen mekanizma për të stimuluar prodhimin vendas, por në Planin e ri Strategjik, i cili do të zëvendësojë Programet aktuale të Zhvillimit të Rajoneve Rurale, parashikohet një ulje e intensitetit të ndihmës nga 50 në 30%, dhe në nivelet aktuale të inflacionit blegtoria dhe mbarështimi i shpendëve nuk stimulohen në asnjë mënyrë, thonë punonjësit në këtë industri.

Përgatiti në shqip: Vesella Mançeva

Foto: Pixabay, BGNES



Последвайте ни и в Google News Showcase, за да научите най-важното от деня!

Më shumë nga rubrika

Fshati Minerallni Bani pret etno festivalin "Fëmijët e Ballkanit"

Mbi 2200 fëmijë nga e gjithë Bullgaria, Bosnja e Hercegovina, Kosova, Moldavia, Republika e Maqedonisë së Veriut, Serbia, Mali i Zi, Ukraina po marrin pjesë në Festivalin e 22-të Ndërkombëtar Etno për Fëmijë "Fëmijët e Ballkanit - me spiritualitet në..

botuar më 25-05-30 4.59.MD

Mungon komunikim cilësor midis adoleshentëve dhe prindërve të tyre

Në prag të 1 Qershorit - Ditës së Fëmijëve, UNICEF dhe Instituti Kombëtar i Statistikave prezantojnë "Fëmijët në Bullgari: Të dhëna dhe tendenca kryesore për vitin 2024", një përmbledhje e treguesve demografikë, shëndetësorë, arsimorë dhe..

botuar më 25-05-30 2.06.MD

Një grup shqiponjash të zeza nga Spanja mbërritën në Rodopet Lindore

Shtatë shqiponja të zeza udhëtuan një distancë mbresëlënëse prej 3300 kilometrash nga Spanja deri në Rodopet Lindore  për t'u bërë pjesë e projektit ambicioz LIFE "Kthimi i shqiponjave të zeza në Malin Rodopa" për të rivendosur këtë specie..

botuar më 25-05-28 6.58.MD