Out of Muse bashkon Borisllava Jordanova (vokal), Radosllav Marinçev (kitarë), Snezhanka Borisova (bas kitarë) dhe Nikollaj Stanev (bateri). Muzikantët shënojnë një vit që nga formimi i grupit me një album të vet të debutimit. E titulluan “Emri yt”, nga një prej këngëve në të. Dhe ata janë gjithsej shtatë dhe janë në bullgarisht, pavarësisht se emri i grupit është në anglisht. Autorë të të gjitha këngëve (muzikë dhe tekst) janë katër muzikantët.
“Ne e quajtëm grupin “Out of Muse” sepse nuk kemi një muzë specifike, frymëzimi ynë vjen nga kudo - nga njerëzit përreth nesh, nga puna jonë së bashku... – tha për Radio Bullgarinë Borisllava, vokalistja e grupit. Ajo u diplomua në Shkollën Kombëtare të Muzikës “Ljubomir Pipkov” për këngë popullore, vazhdoi arsimin në Akademinë Kombëtare të Muzikës “Panço Vlladigerov”, duke shtuar si specialitet kompozicionin dhe aktualisht kryen studimet master në menaxhimin e muzikës. Para pak kohe ajo ishte ndër bashkëpunëtorët e Radio Bullgarisë dhe shkroi disa materiale interesante për auditorin tonë.
Anëtarët e tjerë të grupit janë gjithashtu të angazhuar profesionalisht në muzikë, ndërsa Nikollaj po studion në të njëjtën kohë për drejtësi. Të katër marrin pjesë në projekte të natyrave të ndryshme, gjë që pasuron tingullin e këngëve të tyre, të cilat kanë ndikime funk, etno, blues e deri në metal.
Albumi “Emri yt” u incizua me mbështetjen financiare të Fondit Kombëtar “Kultura” dhe prej disa ditësh është në të gjitha platformat muzikore. Ai do të prezantohet më 14 dhjetor në një klub të kryeqytetit. Grupi do të prezantojë edhe disa nga këngët e tyre më të fundit, të cilat do të dalin në tregun muzikor në fillim të vitit të ardhshëm.
Foto: Facebook / Out of Muse
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Muzika e kompozitorit dhe pianist bullgar me famë botërore Millço Leviev do të tingëllojë sonte (më 28 tetor) në Sallën "Bëllgaria" në Sofje. Koncerti..