Kancelari Federal i Austrisë Karl Nehamer, i cili ndodhet për një vizitë pune në Bullgari, u njoh në vend me masat e marra për mbrojtjen dhe kontrollin e kufirit bullgaro-turk, i cili është i jashtëm për Bashkimin Evropian. Vizita është me ftesë të kreut të shtetit bullgar Rumen Radev. “Ne dëshmojmë çdo ditë se i mbrojmë kufijtë e jashtëm të BE-së dhe më mirë se një numër vendesh në zonën Shengen”, theksoi Radev. Ai vuri në dukje se në vitin e kaluar presioni në kufirin tonë u rrit ndjeshëm, veprimet e emigrantëve po bëhen më agresive dhe shumë nga trafikantët e kapur janë shtetas të vendeve anëtare të BE-së. Kancelari theksoi se fluksi i migracionit që hyn në brendësi të Evropës është një problem i përbashkët dhe Bullgaria, dhe Rumania nuk duhet të lihen vetëm për të menaxhuar mbrojtjen e kufirit të jashtëm të BE-së. Lidhur me këtë, ai premtoi se do të insistojë në Komisionin Evropian për ndarjen e 2 miliardë eurove për blerjen e pajisjeve teknike dhe trajnimin e rojeve kufitare.

Megjithatë, u bë e qartë se nuk ka ndryshim në qëndrimin e Austrisë në lidhje me zgjerimin e zonës Shengen.