“Makinat rock” nga SEVI festuan 13 vjet në skenë me një koncert dhe një libër të ri për rrugëtimin e tyre.
I formuar në vitin 2010, grupi arriti të fitonte shpejt popullaritet dhe shumë fansa. SEVI ka tre albume dhe më shumë se 13 video single. Ata kanë kënduar në një skenë para grupeve me famë botërore si EUROPE, EVANESCENCE, BLACK STONE CHERRY, TOM KEIFER, EPICA dhe kanë qenë pjesë e programit të festivaleve më të mëdha në Bullgari. Në vitin 2022, muzikantët iu bashkuan turneut evropian të HARDLINE dhe Johnny Gioeli në Zvicër dhe u shfaqën si të ftuar specialë në një pjesë të turneuttë Geoff Tate nga QUEENSRYCHE në Gjermani.
Ndër surprizat me rastin e festimit të 13-vjetorit të grupit ishte edhe premiera e pjesës së dytë të shumëpritur të librit “Çmimi i të qenit vetvetja”. Ai u botua gati 7 vjet pas pjesës së parë të ditarëve të SEVI, me nëntitull "Forca".
Me energji të pandërprerë, muzikantët po punojnë për albumin e katërt të SEVI-t, të cilin do ta prezantojnë këtë vit.
"Drowning" është një këngë nga albumi i katërt i ardhshëm i grupit dhe është projekti i tretë i përbashkët me artistin amerikan Johnny Gioeli, i njohur si vokalisti i kitaristit Axel Rudi Pell dhe grupit HARDLINE, gjithashtu si zëri në një video-lojë të njohur. Ja se çfarë tha për "Drowning" Svetllana Bliznakova nga grupi SEVI:
“Pavarësisht notës negative në titull, mesazhi i këngës ka të bëjë më shumë me fuqinë e dashurisë që mund të na ngrejë lart edhe në momentet më të vështira”.
Foto: seviband.com, Facebook / SEVI
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet një repertor tekstesh të reja dhe të preferuara nga publiku, të shkruara posaçërisht për..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin "Sllavejkov" të kryeqytetit. Forumi gazmor plot ngjyra do të mbledhë muzikantët e rrugës së..
Muzikantët nga DEEP ZONE Project na ofrojnë përsëri një kombinim të tingullit të klubit me atë të folklorit bullgar në këngën e tyre "Diçka më e mirë", këtë herë së bashku me Bisera dhe Lidija. Kur Dian Savov, i njohur si DJ Dian Solo, i kërkoi dy..