Një shqiponjë e artë, e gjetur në gjendje të pafuqishme, u shpëtua nga ekspertët e Inspektimit Rajonal të Mjedisit dhe Ujit në qytetin Plovdiv. Zogu është një nga më të rrallët në Bullgari dhe në botë, i mbrojtur në vendin tonë me Ligjin për Diversitetin Biologjik dhe i përfshirë në Librin e Kuq.

E gjetur në rrugën Plovdiv - Smoljan, në zonën e fshatit Baçkovo, shqiponja sipas të gjitha gjasave ka pësuar një aksident lidhur me goditjen elektrike gjatë uljes në një linjë elektrike. Ekipi i Inspektimit Rajonal të Mjedisit dhe Ujit në qytetin Plovdiv e dërgoi për mjekim në Qendrën e Shpëtimit të Kafshëve të Egra në Stara Zagora, ku tashmë u përkujdesën specialistët e “Ballkanit të Gjelbër”.

Pas rikuperimit, zogu do të lirohet përsëri në zonën ku u gjet.

Sipas Librit të Kuq të Bullgarisë, sot kanë mbetur ndoshta 120-150 çifte të kësaj specie. Asgjësimi i habitatit, shqetësimi gjatë kohës së folëzimit, gjuetia pa leje dhe helmimi me karremin e paligjshëm të ujqërve, çakejve dhe dhelprave janë ndër kërcënimet më të zakonshme për shqiponjën e artë.