Big Bendi i Radios Kombëtare Bullgare(BNR) me dirigjent Antoni Donçev do të nderojë me një koncert special sonte më 23 shkurt një nga muzikantët më të rëndësishëm të xhazit bullgar - Millço Leviev. Ngjarja kushtuar 85 vjetorit të lindjes së Millço Leviev do të mbahet në Studion e Parë të Radios, nga ku filloi karriera e tij yjore. Në periudhën e viteve 1962 - 1966, ai ishte dirigjent i Big Bend-it të BNR-së.
I lindur në vitin 1937 në Plovdiv, Millço Leviev vlerësohet shumë si kompozitor, aranzhues, ekzekutues (pianist dhe dirigjent), pedagog i muzikës klasike dhe xhaz. Ai punoi me disa nga emrat më të mëdhenj botërorë të xhazit, më aktivisht me Don Ellis në periudhën e viteve 1970 - 1977. Biografia e Millço Leviev është plot suksese, çmime dhe mirënjohje për aktivitetet e tij muzikore brenda dhe jashtë vendit.
Një vend të shquar në krijimtarinë e Millço Leviev zënë kompozimet e tij në fushën e muzikës filmike. Sonte në studion e parë të BNR-së do të ekzekutohet muzika e Millço Leviev, e shkruar në vitet 60-të të shekullit të kaluar për filma emblematikë bullgarë. Aranzhimet e reja u krijuan posaçërisht për këtë koncert nga Vasill Spasov - një përfaqësues domethënës i gjeneratës së re në skenën bashkëkohore bullgare të xhazit, i cili u specializua në muzikën e pianos dhe filmit në Kolegjin e Muzikës Berklee në Boston. Programi përfshin vepra të pa publikuara deri më tani si “I vetmuar”, temë nga filmi “Mesdita e nxehtë”), “Dielli i vjeshtës” nga filmi me të njëjtin titull, “Devijim” nga filmi me të njëjtin titull.
E ftuara speciale në koncert është këngëtarja e xhazit Viki Almazidu - partnere krijuese dhe jetësore e Millço Leviev.
Përgatiti në shqip: Svetllana Dimitrova
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti Rushi..