Kryeministri Gëllëb Donev iu bashkua festimeve në Kjustendill për 80-vjetorin e shpëtimit të hebrenjve bullgarë nga kampet e vdekjes gjatë Luftës së Dytë Botërore. Ai u përkul para kujtimit të pesë banorëve të qytetit - shpëtimtarë të hebrenjve bullgarë. Donev i kushtoi vëmendje të veçantë kontributit të të ashtuquajturës Katërshe e qytetit Kjustendill - Asen Suiçmezov, Vlladimir Kurtev, Ivan Momçillov dhe Petër Mihalev. “Katër qytetarë të denjë të Kjustendillit - një tregtar, një avokat, një mësues dhe një deputet, u mblodhën 80 vjet më parë në këtë datë për të kundërshtuar krimin që po përgatitej për dëbimin e dhjetëra mijëra hebrenjve bullgarë”, theksoi Donev. Ai theksoi edhe kontributin e nënkryetarit të atëhershëm të Kuvendit Popullor Dimitër Peshev, gjithashtu deputet nga Kjustendill. “Peshev mbledh njerëz me mendje të njëjtë, përfaqësues të popullit, të cilët kundërshtojnë dhe insistojnë me vendosmëri në anulimin e urdhrit të dëbimit”, kujtoi Donev. Ai vuri në dukje se emrat e të pestëve mbeten në histori.

• Dimitër Peshev – një nga shpëtimtarët e hebrenjve bullgarë
• Një forumi i kushtohet roli i avokatëve në shpëtimin e hebrenjve bullgarë
• Shtëpia e Dimitër Peshevit në Kjustendill ruan kujtimin për shpëtimin e hebrenjve bullgarë