Prodhuesit e mjedrave dhe luleshtrydheve protestuan pranë fshatit Trapishte, rajoni i Razgradit, në Bullgarinë Verilindore. Për rreth një orë ata bllokuan rrugën kryesore Razgrad – Tërgovishtë. Shkaku i pakënaqësisë është rritja e madhe e çmimit të ujit për vaditje e paralajmëruar nga kompania shtetërore “Sistemet Ujitëse”. Uji vaditës për sezonin 2023 është mbi 300% më i shtrenjtë.

“Nuk duam ujë falas, nuk duam dhurata, ne duam të paguajmë gjithçka, por brenda kufijve të arsyeshëm. Kjo është një rritje drastike", tha për BNR Bozhidar Petkov, kryetar i Shoqatës Bullgare të Kultivuesve të Mjedrës. Ai shpjegoi se me këtë çmim mjedrat dhe luleshtrydhet bëhen të pashitshme. Një javë më parë, zëvendësministri i bujqësisë Todor Xhikov i tha BNR se shteti do të kompensojë diferencën e çmimit të ujit nga ky vit nga viti 2022. Megjithatë, sipas Petkovit, situata mbetet e pandryshuar.

Shteti nuk mund të sigurojë menjëherë mjete për kompensimin e pemëtarisë dhe perimtarisë për shkak të rritjes drastike të çmimit të ujit për vaditje, pasi që nevojitet edhe miratimi nga Brukseli, tha ministri Javor Geçev.