Prodhuesit e drithërave nga i gjithë vendi mbyllën trafikun me traktorë në pikën kufitare "Ura e Danubit" pranë qytetit Ruse dhe formuan autokolona me kamionë të lehtë dhe të rëndë. Fermerët po protestojnë me një kërkesë kryesore - të ndalet importi i drithit dhe lulediellit nga Ukraina, për shkak të të cilit po vuan prodhimi vendas. Prodhuesit e grurit nga qyteti Vidin gjithashtu protestuan dhe bllokuan rrugën ndërkombëtare E-79 në hyrje të qytetit. Njerëz të pakënaqur nga rajoni i qytetit Pernik pritet të dalin në një marsh proteste përgjatë autostradës për në Sofje. Ndërkaq, nga zyra e shtypit e presidentit Rumen Radev njoftuan se ai sot do të takohet me përfaqësues të Asociacionit  Kombëtar të Prodhuesve të Drithërave. Pas kësaj do të vendoset nëse aksionet treditore të protestës do të vazhdojnë, tha për BTA Nikollaj Kirov, kryetar i Bashkimit të Prodhuesve të Drithërave në qytetin Burgas.