Tentativa për vrasjen e akuzuesit numër një është e barabartë me një akt terrorizmi. Dënojmë aktin e kryer terrorist dhe insistojmë në hetimin sa më të shpejtë, zbulimin e fajtorëve dhe shpalljen e dënimeve, deklaroi partia “Vëzrazhdane” pas sulmit kundër autokolonës së Ivan Geshev.

“Ndaj Prokurorit të Përgjithshëm Ivan Geshev është kryer një sulm. Ajo që është akoma më e neveritshme është se bashkë me Prokurorin e Përgjithshëm në makinë kanë udhëtuar bashkëshortja dhe dy vajzat e tij. Sulmi nuk është vetëm kundër një personi, por ndaj njërës prej institucioneve të shtetit”, ka shkruar në Facebook Sllavi Trifonov, lideri i “Ka një popull të tillë”.

“Veprimi kriminal është kryer menjëherë pas vizitës në Ukrainë, ku zoti Geshev deklaroi se nëse presidenti rus Vladimir Putin shkel këmbën në Bullgari, ai duhet të ndalohet dhe të dorëzohet në Gjykatën Penale Ndërkombëtare”, komentoi eurodeputeti nga GERB-SDS në Facebook Aleksandër Jordanov.

• Prokurori i Përgjithshëm ka qenë objektiv i një atentati, sipas hetimeve