Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Parada Ushtarake e 6 majit është rikthyer sërish

Foto: BGNES-arkiv

Pas një pauze tre vjeçare për shkak të pandemisë Covid-19, kur Dita e Trimërisë dhe festë e Ushtrisë Bullgare festohej me manifestime në përputhje me masat kundër epidemisë, këtë vit do të zhvillohet parada ushtarake. Më 6 maj, menjëherë pas liturgjisë festive, fillon bekimi solemn me ujë të bekuar i flamujve të betejës, pasuar nga një paradë ushtarake në sheshin "Princ Aleksander I", e drejtuar nga komandanti i Forcave Tokësore, gjeneralmajor Dejan Deshkov. Në fillim të kolonës do të jenë flamujtë e shenjtë të Ushtrisë Bullgare, të ndjekur nga banda përfaqësuese e Gardës, si dhe ato të Forcave të Armatosura. Qytetarët në shesh do të kenë mundësi të shohin pajisjet luftarake dhe speciale të Forcave Tokësore - automjetet "Commando Select" dhe "Guardian", transportuesit e blinduar, artileri D20 152 mm, sistemet reaktive për zjarr të markës "Grad", MTLB " Tunxha”, artileri vetëlëvizëse “2S-1”, mjete luftarake këmbësorie BMP-1 dhe BMP-23, tanke T-72, komplekse raketore „Toçka“ dhe „Osa“. Forcat Ajrore do të përfaqësohen nga makineri nga sistemet raketore S-125 dhe S-200, si dhe një  ëshues S-300. Të pranishmit do të shohin gjithashtu mjete të blinduara të KPF (Komanda e Përbashkët е Forcave), si dhe mjete të blinduara „Macja e shkretëtirës“ të Shërbimit të Policisë Ushtarake. Kolona do të lëvizë gjithashtu me një trajler me një gjysmërimorkio të ngarkuar me Transportues me shumë qëllime - të blinduar lehtë. të Komandës së Mbështetjes së Logjistikës. Mbi sheh do të fluturojë një helikopter Mi-17 me flamurin kombëtar, si dhe helikopterët Mi-24B dhe Cougar, avionët L-410, Spartan, L-39Z, Pilatus, Su-25, si dhe tre avionë luftarakë MiG- 29. Nga ana e Forcave Detare do të përfshihet një helikopter tip “Panter”.

Përgatiti në shqip: Kostandina Bello




Последвайте ни и в Google News Showcase, за да научите най-важното от деня!

Më shumë nga rubrika

Pensione më të larta, por edhe çmime më të larta – pensionistët bullgarë ende ndihen të varfër

Pagesa e pensioneve të reja, më të larta, të cilat hynë në fuqi në fillim të muajitkorrik, ka filluar. Rritja u bë sipas të ashtuquajturit "rregull zviceran", sipas të cilit pensionet në Bullgari përditësohen në përputhje me inflacionin. Rritja këtë..

botuar më 25-07-28 7.05.PD

Lloje të reja duhani në Bullgari kundër ndryshimeve klimatike

Ndryshimet klimatike ndikojnë fuqishëm në bujqësinë në Bullgari, përfshirë edhe prodhimin e duhanit. Prandaj kërkohen lloje që janë në gjendje të përballojnë verërat e thata dhe të nxehta. Së fundmi, Shoqata Kombëtare e Prodhuesve të Duhanit – 2010..

botuar më 25-07-27 8.00.PD

Il Messaggero: Bullgaria është në top 10 destinacionet detare më të favorshme në Evropë

Bullgaria u shfaq në një klasifikim të botimit italian Il Messaggero, i cili rekomandon 10 nga destinacionet bregdetare më të përballueshme dhe me buxhet të ulët në kontinentin e vjetër. Vacanze al mare low cost in Europa: la top ten delle..

botuar më 25-07-26 9.00.PD