Piramida e Keopsit ishte fotografuar me një siluetë aeroplani në sfondin e një hëne të plotë mbi të. Kjo është një foto që bëhet “një herë në jetë”, raportoi një nga sajtet më të autoritetshme të fotografisë PetaPixel.
Autorja e fotografisë së jashtëzakonshme është bullgarja Rosica Dimitrova, e cila e quajti veprën e saj "4500 vjet histori njerëzore" - sepse piramida egjiptiane daton në shekullin e 26 para Krishtit.
“Kjo foto nuk është mahnitëse vetëm nga pikëpamja vizuale, por edhe sepse është një dëshmi e fuqisë së kohës dhe të qenit në vendin e duhur në kohën e duhur”, thotë Rosi, e cila përveçse është fotografe, është edhe një udhëtare dhe blogere e etur për udhëtime. Para disa kohësh Radio Bullgaria ju takoi me të:
Rosica Dimitrova shpjegon se fotografinë e ka bërë aksidentalisht më 6 prill të këtij viti, në fund të fotosesionit të saj, pikërisht në momentin që po bëhej gati të paketonte valixhet dhe të largohej.
“Pothuajse kisha mbaruar xhirimet atë natë, pasi hëna tashmë ishte ngritur më lart mbi piramidë nga sa doja që ajo të ishte në foton time”, kujton Rosica. “Më pas ngrita sytë dhe pashë një dritë vezulluese që po i afrohej hënës disa sekonda përpara fotos së përsosur”, thotë Rosi.
"Është kaq simbolike," shton fotografja. "Aeroplani dhe piramida - dy maja absolute të njerëzimit që janë mijëra vjet larg njëra-tjetrës".
Fotografia e Rosicës pothuajse u ndalua në kufirin me Egjiptin, pasi Patrulla Kufitare dyshoi për objektivin e madh që ajo po përdorte për të bërë fotografinë, raportoi faqja.
"Ky objektiv me sa duket është shumë e vështirë për t'u futur në Egjipt. Unë isha shumë me fat dhe disi arrita t’i bindja organet e sigurisë në aeroport se kishte shumë pak gjasa që një grua shtatzënë të ishte terroriste. Ata u dyshuan sepse me sa duket ka një pajisje që përdoret për një pushkë snajper dhe duket e ngjashme me objektivin tim”, thotë Rosi.
Edhe sot e kësaj dite, Rosica nuk është e sigurt nëse e besuan apo jo. “Ndoshta ata mendonin se fotot e mia të hënës ishin art digjital dhe jo foto reale, duke gjykuar nga shprehjet e fytyrës së tyre”, përfundon Rosica Dimitrova.
Përpiloi: Veneta Nikollova
Përgatiti në shqip: Vesella Mançeva
Foto: Rosica Dimitrova
Ngjyrosja me ngjyrat nga natyra – kjo është tema, të cilën e ka zgjedhur të studiojë me qasje etnografike heroina e tregimit tonë të sotëm. Ajo është një bullgare e re, të cilën rrethanat e jetës e çuan në SHBA që në një moshë fare të..
Punëtoria e 29-të kombëtare e arteve pamore “Krijuesi dhe natyra” do të zhvillohet në fshatin Vetren, buzë lumit Danub, nga data 22 deri më 28 gusht, njoftuan për BTA organizatorët nga Shoqata Lokale e Piktorëve dhe Komuna e qytetit Silistra. Në..
Bullgaria është për herë të parë mikpritëse e konferencës vjetore të Euroclassica – federata evropiane e mësuesve të gjuhëve klasike, njofton BTA. Ngjarja ndërkombëtare, e cila po zhvillohet në Universitetin e Sofjes "Shën Kliment Ohridski", vendos..
Ngjyrosja me ngjyrat nga natyra – kjo është tema, të cilën e ka zgjedhur të studiojë me qasje etnografike heroina e tregimit tonë të sotëm...
Pjesërisht me re