Dy nga tre shtetasit bullgarë të arrestuar në Britaninë e Madhe nën dyshimin për spiunazh për Rusinë ishin anëtarë të komisioneve zgjedhore seksionale, konfirmoi Ministria e Jashtme. Katrin Ivanova dhe Biser Xhambazov ishin kryetarë të komisioneve seksionale zgjedhore të votimit të fundit parlamentar në Londër.Ata kanë pasur edhe përvojë nga pjesëmarrjet e mëparshme në zgjedhjet e viteve 2017 dhe 2019.

Një bujtinë e lënë pas dore në Grejt Jarmut ishte selia detare e “Agjentit 007” rus, shkruan gazeta britanike “The Times” në lidhje me të arrestuarin Orlin Rusev, i konsideruar si udhëheqës i celulës së spiunazhit. Një nga emailit e tij personale ishte “007”. Në një dhomë të shtëpisë, e paraqitur edhe si Hotel “Heidi”  me tre yje, u zbulua një dhomë me pajisje për të bërë letërnjoftime false. Hoteli është në pronësi të 47-vjeçares Irina Përvanova, një biznesmene bullgare e cila e bleu atë për 220 000 paundë në shtator të vitit 2021.