Në prag të sezonit të ri politik - më 1 shtator, parlamenti rifillon punën - kryeministri Nikollaj Denkov tha se pret një mobilizim të deputetëve për miratimin e një sërë ligjesh të rëndësishme për vendin. Më urgjent është ligji që ka të bëjë me komisionin kundër korrupsionit, pasi ky është një kusht themelor në rrugën drejt Shengenit, theksoi Denkov për gazetarët. Në përgjigje të një pyetjeje për reformën në shërbimet e sigurisë, kryeministri u shpreh i bindur se ristrukturimi i tyre duhet të diskutohet në mënyrë që të mos lejohen pika të bardha në punën e tyre, siç ekzistojnë aktualisht. Lidhur me dëshirën e qeverisë për të zëvendësuar kryesekretarin e MPB-së dhe rezistencën e bërë nga presidenti, Denkov deklaroi se nëse presidenti nuk e nënshkruan dekretin për lirimin e kryesekretarit, e vetmja mundësi tjetër është ndryshimi i ligjit, që duhet bërë nga parlamenti.