Komisioni Qendror i Zgjedhjeve (KQZ) propozoi disa herë që të krijohet një softuer i ri për votimin makinerie në mënyrë që të mos ketë përfshirje të huaj, por nuk mori përgjigje nga asnjë institucion. Këtë e bëri të ditur kryetarja e KQZ-së, Kamelija Nejkova, gjatë një seance dëgjimore parlamentare për besueshmërinë e votimit me makinë. Ajo shpjegoi se me softuerin e votimit, të blerë me kontratë në vitin 2021, nuk mund të merret asnjë vendim teknik pa pjesëmarrjen e krijuesit të tij, “Smartmatic International Holding”.

Kryetarja e KQZ-së tha gjithashtu se në zgjedhjet lokale të 29 tetorit të këtij viti nuk do të ketë makineri të reja dhe votimi do të bëhet me afro 13 mijë aparaturat e blera tashmë.