“Jemi të mendimit se nuk ka kuptim të ndërpritet derogimi pas shtatë ditësh, sepse kjo mund të sjellë stres në treg”, tha bashkëkryetari i “Po e vazhdojmë ndryshimin – Bullgaria Demokratike” (PP-DB) Kirill Petkov pas mbledhjes së grupeve parlamentare të GERB-SDS, PP-DB dhe DPS.

Forcat politike që mbështesin qeverinë diskutuan propozimin e GERB-it që të hiqet menjëherë derogimi i Lukoil për importin e naftës ruse dhe të mos pritet tetori i vitit të ardhshëm, siç është vendimi parlamentar. Sipas Kirill Petkov, në vend që të anulohet menjëherë përjashtimi, ata do të fokusohen në mbledhjen e taksave nga rafineria.

Me pagesën e taksave të ligjshme nga Lukoil, karburanti do të jetë 73 stotinka më i lirë për litër për shfrytëzuesin fundor”, tha më herët gjatë ditës së sotme Deljan Dobrev, deputet nga GERB dhe kryetar i Komisionit parlamentar për energjetikën.

• "Lukoil" duhet t'i paguajë thesarit 500 milionë leva taksa