Ditën e djeshme më 23 tetor, ambasadori bullgar në Republikën e Shqipërisë z. Ivajllo Kirov, së bashku me delegacionin e tij të ambasadës vizituan qytetin e Kukësit dhe zhvilluan një takim zyrtar me kryetarin e ri të bashkisë së Kukësit, Albert Halilaj si dhe zv. kryetarin Agron Nuredinaj. Takimi, që u zhvillua në bashkinë e qytetit të Kukësit, ishte shumë I ngrohtë dhe miqësor.
Theksi i bisedimeve në këtë takim ishte mbi bashkëpunimin për realizimin e projekteve të përbashkëta për përmirësimin e cilësisë së jetesës së banorëve të Bashkisë së Kukësit dhe atyre të zonës së Gorës.
I pyetur në një intervistë të shkurtër për Radion Kombëtare Bullgare në lidhje me qëllimet e tij si kryebashkiak i ri i Kukësit, Albert Halilaj u përgjigj në këtë mënyrë: “Bashkia e Kukësit është një bashki e cila është me probleme të theksuara në infrastrukturë, probleme ekonomike, por ne kemi nje vizion tjetër për të ndryshuar shumë gjëra”. Ai u shpreh gjithashtu se bashkia e Kukësit është një bashki e cila do promovojë rininë dhe njerëzit e punës, pasi për këta njerëz ka nevojë vendi.
Gjatë intervistës kryetari i bashkisë bëri dhe një premtim: “Unë e garantoj ambasadorin bullgar që me rikonstruksionin e Pallatit të Kulturës, unë të do bëj dhe një pavion për komunitetin bullgar”. Ky pavion do të jetë për kulturën, gatimin, veshjet tradicionale dhe traditat që ka ky komunitet.
I pyetur në lidhje me problemet kryesore me të cilat përballet komuniteti bullgar në këto zona z. Halilaj u shpreh se: “Ka probleme me infrastrukturën, shërbimet shëndetësore, shkollat 9 vjecare dhe së bashku me ambasdën kemi bërë një plan masash për të reduktuar ose minimuzuar këto probleme që janë prezente për shumë vite në këtë zonë. Dimri është i ashpër, kushtet klimaterike janë të vështira”. Kryetari i bashkisë u shpreh se do të përpiqen sa më shpejtë që të sjellin ndryshime lidhur me këto problematika.
Në bashkëpunim me ambasadën bullgare në Republikën e Shqipërisë do të realizohen shumë ide dhe projekte të reja që do të jenë në ndihmë të të gjithë banorëve të kësaj zone dhe në veçanti të komunitetit bullgar. Z. Albert Halilaj shprehu falemderimet e tij të përzemërta për ambasadën e cila ka qenë prezente ndër vite dhe ka mbështetur bashkinë e Kukësit, si dhe në lidhje me investimet që priten në të ardhme si në aspektin ekonomik, ashtu edhe në atë kulturor.
Foto: Krasimir Martinov
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Të dielën e tetë pas Ngjalljes së Krishtit, ne kremtojmë një nga festat më të rëndësishme për mësimin e krishterë, Rrëshajën. Në këtë ditë, Fryma e Shenjtë - Personi i Tretë i Trinisë së Shenjtë - zbret në tokë për t'iu shfaqur dymbëdhjetë apostujve,..
Për të dhjetën vit radhazi në ditët rreth 21 qershorit, shumë vende të botës festojnë festivalin e jogës. Në Bullgari, nga 15 deri më 23 qershor, 44 vendbanime, duke përfshirë qytetet më të mëdha - Sofje, Plovdiv, Stara Zagora, Burgas, Varna, Ruse,..
Popullsia bullgare në Shqipëri është 7057 persona – 3691 burra dhe 3366 gra. Kjo duket qartë nga një njoftim i Institutit Kombëtar të Statistikave INSTAT,..
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe..
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin..