Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Beqari Deda” – një aventurë e re etno me Nina Nikolinën

Nina Nikolina
Foto: Facebook / Nina Nikolina

Këngëtarja Nina Nikolina është e njohur prej kohësh për prezantimin e këngëve popullore bullgare në një version të modernizuar, të cilat janë mbledhur në disa albume. "Beqari Deda" është kënga më e fundit nga albumi i dytë i koncerteve i Nina Nikolinës "Jazz & Traditions Vol.2". Kënga humoristike nga krahina folklorike bullgare e shopëve në një aranzhim etnojazz të Kalin Veljovit do të ngrejë humorin në koncertin e Nina Nikolinës me grupin e saj sonte më 2 nëntor në Sofje. Programi i koncertit do të përfshijë jo vetëm këngët popullore, por edhe hitet e saj pop, ku do të gërshetohen edhe elemente të zhanreve aktuale muzikore jazz, funky, R&B dhe tingujt elektronikë të kërcimit.

"Gjatë gjithë karrierës sime muzikore përpiqem të zgjerojë auditorin që e pëlqen folklorin bullgar. Dhe veçanërisht tek të rinjtë, sepse nëse nuk trashëgohet tradita, ajo do të zhduket. Folklori bullgar është shumë interesant dhe shumë i bukur. Është gjithashtu qesharak, ka kaq shumë histori interesante atje që mendojmë se kanë mbetur në atë kohë, ose në biblioteka dhe në përmbledhjet e vjetra – por në fakt nuk është kështu. Kështu që unë shpesh i hap përmbledhjet dhe gjej këngë të bukura, këngë qesharake dhe ne i interpretojmë me grupin.

“Beqari Deda” është një këngë që e dëgjova kur isha shumë e vogël në korin e nënës sime – ajo është dirigjente, Rosica Gospodinova. Në versionin më të njohur, “Beqari Deda” është i kompozitorit Petër Ljondev. Por ne e realizuam këtë këngë sipas aranzhimit të Kalin Veljovit. Kemi përdorur melodinë kryesore të këngës autentike “Beqari Deda”. Me ndihmën e një shoqeje timen shumë të ngushtë, docente në Akademinë Bullgare të Shkencave - Vesellka Tonçeva - gjetëm një tekst që është vazhdimësi e atij që të gjithë e njohim. Atje ka më shumë momente dashurore - do t’ju pres më 2 nëntor për t'ju treguar më shumë për të!"

Përpiloi: Diljana Traçeva

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Me koncertin e Ars Nova Napoli, Sofja kremton 2500 vjetorin e themelimit të Napolit

Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..

botuar më 25-11-09 8.00.PD

Kryevepra të kulturës muzikore bullgare: Marin Goleminov dhe drama e vallëzimit “Nestinarka”

E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..

botuar më 25-11-07 6.10.PD

Plovdiv Jazz Fest mbledh muzikantë nga Bullgaria dhe bota

Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..

botuar më 25-11-07 5.05.PD