Dy persona humbën jetën në rajonin e qytetit Shumen pas një stuhie të fortë më 4 nëntor. Një 51-vjeçar nga fshati Razvigorovo i komunës Hitrino u varros nga një mur i rrëzuar. Një bari 67-vjeçar nga Veliki Presllav u godit nga rryma elektrike pasi shkeli një tela të rënë. Një 66-vjeçare u shtruar në spitalin e qytetit Shumen me fraktura pasi një pemë ra mbi të në kopshtin e qytetit të Shumenit.

Një stuhi kaloi nëpër rajonin e qytetit Silistra, e cila goditi fshatrat Dolec, Prohllada, Kolobër dhe Sekullovo. Shumë çati u dëmtuan, shtylla dhe pemë u rrëzuan. Në komunën e Isperihut shumë vendbanime kanë mbetur pa energji elektrike. Gjendja e jashtëzakonshme u shpall në fshatin Lëvino. Aty, era dhe shiu hoqën çatitë e 150 shtëpive, shtylla dhe pemë u rrëzuan. Një stuhi kaloi në mesditë për disa minuta njoftoi kryetari i komunës së Isperihut Belgin Shukri, transmeton BTA. Të dielën një komision do të kontrollojë dëmet, shtoi Shukri. Kryqi i Kuq Bullgar dërgoi vullnetarë dhe psikologë në Lëvino për të ndihmuar të pastrehët. Komuna e qytetit Isperih organizoi një fushatë donacionesh për të mbledhur fonde për të prekurit në fshatin Lëvino.

Për shkak të shiut të rrëmbyeshëm dhe stuhisë, gjendje e pjesshme e jashtëzakonshme u shpall edhe në komunën e qytetit Devnja. Dëmet më të mëdha u shkaktuan nga stuhia në rajonet Smoljan, Tërgovishte, Razgrad, Silistra dhe Shumen, njoftoi Ministria e Brendshme.