Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria merr pjesë për herë të parë në "Festivalin e Pemëve" në Indiana

4
Foto: Ralica Kollarova

"Festival i Pemëve" (2023 FESTIVAL OF TREES) në Indiana, SHBA shfaq në sallat e Muzeut Historik (Historical Society Museum) në qytet 78 pemët e Krishtlindjeve të dekoruara nga disa prej shoqatave, kompanive dhe organizatave më të mëdha dhe më të famshme vendase. Fondet e mbledhura në aktivitetin vjetor të bamirësisë shpërndahen për njerëzit në nevojë dhe për herë të parë mes bredhave, me gjithë madhështinë e saj, shkëlqen një pemë bullgare!

Bullgaria përfaqësohet falë Shoqatës"Bullgarët Jashtë vendit 681" (Association Bulgarians Abroad 681), - një organizatë relativisht e re, por me një sërë organizimesh dhe pjesëmarrjesh në ngjarje të ndryshme, në të cilat prezanton historinë bullgare, kulturën, traditat, identitetin, vetëdijen dhe gjuhën bullgare.

Çfarë e dallon bukuroshen bullgare në "Festivalin e Pemëve"?

“Gjëja më karakteristike e pemës sonë të Krishtlindjes është se të gjitha stolitë dhe lodrat janë të punuara me dorë, sepse të gjithë mund të shkojnë dhe të blejnë lodra nga dyqani, por qëllimi ynë ishte të përcillnim frymën bullgare - shpjegon Ralica Kollarova në një intervistë për Radio Bullgarinë. Prezantuam teknika të ndryshme të bërjes së lodrave, ka lodra me qëndisje bullgare, të qëndisura me grep, lodra prej letre, lodra prej xhami të lyera me bojë, shtuam gjithashtu edhe boçe pishe për ta bërë pemën të duket sa më natyrale, më reale."

Topa krishtlindjesh me qëndisje bullgare të sjella nga Bullgaria. Autore: Katja MihovaNjë shpjegim i shkurtër vendoset pranë çdo peme-pjesëmarrëse në festival. “Një pemë e Krishtlindjes, e zbukuruar me zbukurime bullgare të punuara me dorë, thur një goblen të traditës, komunitetit dhe sharmit të festave nën dritat vezulluese” – thuhet në përshkrimin bullgar. Çfarë mesazhi sjell pema bullgare e Krishtlindjes në Indianën e largët?

"Qëllimi kryesor është bamirësia, por i yni, si bullgarë, ishte t'u tregonim popullit në Indianapolis traditat vendase bullgare - thotë Ralica Kollarova. - Jo të gjithë kanë dëgjuar për Bullgarinë, por shumë njerëz tani mësuan për qëndismat bullgare dhe për Bullgarinë fal këtij festivali, i cili zgjat deri më 6 janar. Kështu që ka ende kohë që shumë njerëz ta shohin dhe të mësojnë për Bullgarinë!”.


Për ata që dëshirojnë të vizitojnë festivalin: Indiana History

Foto: Ralica Kollarova

Përktheu në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Galeria

Më shumë nga rubrika

Mbetjet e dinozaurëve u gjetën pranë qytetit Trën

Shkencëtarë zbuluan kocka të reja të dinozaurëve dhe kafshëve të tjera kurrizore pranë qytetit Trën, në Bullgarinë Perëndimore. Zbulimi u bë gjatë Ekspeditës së Tetë Paleontologjike të organizuar nga Muzeu Kombëtar i Historisë Natyrore pranë Akademisë..

botuar më 25-08-19 2.51.MD

Gjithnjë e më shumë të rinj nga diasporat bullgare nëpër botë duan të studiojnë në Bullgari

Interesi i të rinjve me origjinë bullgare nga jashtë vendit për të studiuar në institucionet e arsimit të lartë në Bullgari po rritet. Ndër të regjistruarit për vitin e ardhshëm akademik, më të shumtët janë nga Ukraina, Moldavia, Maqedonia e Veriut..

botuar më 25-08-18 4.49.MD

Për herë të parë në Bullgari mbahet kongresi ndërkombëtar i punuesve të dantellës

Në zemër të Luginës së Trëndafilave, në shpatet e Stara Pllaninës dhe Sredna Gorës, për të 26-ën herë zhvillohet Festa e dantellës së Kalloferit. Paleta e ngjarjeve është e pasur – mysafirët e dy qyteteve të vegjël nënmalorë, Karlovo dhe..

botuar më 25-08-16 8.00.PD