Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Eurodeputetët bullgarë kërkojnë mbrojtje për pakicën bullgare në Serbi

Foto: EPA/BGNES

Eurodeputetët bullgarë lëshuan një letër në mbrojtje të pakicës kombëtare bullgare në periferitë perëndimore, të njohura gjithashtu si Krahinat Perëndimore /rajonet kufitare juglindore të Serbisë me popullsi bullgare/, të drejtat e të cilëve shkelen sistematikisht nga Serbia, raportoi BGNES. Letra i drejtohet Parlamentit Evropian, Komisionit Evropian, Këshillit Evropian dhe Këshillit të Evropës. Në të theksohet se në hapësirën publike serbe vazhdimisht po flitet për urrejtje ndaj minoritetit bullgar dhe shënohen raste konkrete. E gjithë kjo krijon kushte të vështira jetese dhe bullgarët në Serbi emigrojnë vazhdimisht në Bullgari dhe Evropën Perëndimore, duke kërkuar kushte më të mira dhe më paqësore të jetesës, thonë eurodeputetët. “Serbia nuk duhet gjykuar vetëm nga fjalët e saj, por nga veprimet që ndërmerr, të cilat duhet të jenë në sinkron me vlerat evropiane dhe të drejtat e njeriut, duke përfshirë ato në mbrojtjen e pakicave”, thuhet në dokument. Autorët paralajmërojnë se "gjenerimi i urrejtjes në shoqërinë serbe kundër Bullgarisë, pra kundër BE-së, është kryesisht në favor të Kremlinit".

Ndërkohë, përfaqësues të komunitetit bullgar në Bosilegrad u mblodhën më 13 dhjetor në klubin e shtypit të Agjencisë Telegrafike Bullgare /BTA/ në qytet me rastin e tetë vjetorit të hapjes së tij. Ata diskutuan për iniciativat për ruajtjen e kulturës bullgare jashtë vendit dhe problemet specifike me të cilat përballen. Si problemet kryesore u përmendën shpopullimi i Bosilegradit dhe gjendja ekonomike.


Последвайте ни и в Google News Showcase, за да научите най-важното от деня!

Më shumë nga rubrika

Presidenti mori pjesë në hapjen e një fabrike të teknologjisë së lartë në fushën e mbrojtjes në Gjermani

Presidenti Rumen Radev mori pjesë në hapjen e një fabrike të re të teknologjisë së lartë të koncernit gjerman “Rheinmetall”, me ftesë të drejtorit ekzekutiv të kompanisë, Armin Papperger. Fabrika, e vendosur në Unterljus, në provincën e Saksonisë së..

botuar më 25-08-27 6.29.MD
Temenuzhka Petkova

Qeveria rriti kapitalin e Bankës Bullgare për Zhvillim

Qeveria vendosi të rrisë kapitalin e Bankës Bullgare për Zhvillim me 4 miliardë leva (mbi 2 miliardë euro). Këto fonde do të investohen në zona të reja industriale, në ndërtimin e një rrjeti të ri ujësjellës dhe kanalizimesh, si dhe në sektorin e..

botuar më 25-08-27 6.08.MD

Nga dhurimi i fondeve te investimet: injektohen 1.5 miliardë në energjetikë

Qeveria miratoi rritjen e buxhetit të Ministrisë së Energjetikës me 1.5 miliardë leva (770 milionë euro), njoftoi ministri Zheço Stankov pas mbledhjes së Këshillit të Ministrave. Fondet janë të destinuara për ndërtimin e blloqeve 7 dhe 8 me reaktorë AP..

botuar më 25-08-27 4.48.MD