Sofja është kryeqyteti i tretë më i lirë në Evropë. Është një nga qytetet më të shëtitshme të Evropës, por kaq i nënvlerësuar, shkruhet në revistën britanike Daily Express. Artikulli përmban një përshkrim të hollësishëm të Sofjes dhe atraksioneve të saj turistike.
“Sofja në Bullgarinë Perëndimore ndodhet në lumin Iskër dhe në rrëzë të malit Vitosha. Është një qytet interesant, por shpesh anashkalohet nga turistët që preferojnë vendpushimet e skive dhe plazhet, dhe ia vlen të vizitohet”, thotë autorja Grace Piercy.
Ndër avantazhet e kryeqytetit tonë është aksesueshmëria e pjesës pedonale, gjë që e bën të këndshëm për shëtitje. “Zona ku ndodhen shumica e objekteve me rëndësi është relativisht kompakte dhe më pas lagje interesante degëzohen prej saj”, thuhet në postim. Ndër objektet më të njohura të Sofjes janë Katedralja „Shën Aleksandër Nevski”, Kopshti i Qytetit të Sofjes, kompleksi i lashtë „Serdika” dhe Kisha „Shën Sofia”, pohon autori. Sipas saj, nuk duhen anashkaluar as apartamenti i kuq, Muzeu Arkeologjik, Pallati Kombëtar i Kulturës dhe Kisha e Bojanës.
Fjetjet e lira janë ndër avantazhet kryesore të kryeqytetit tonë si destinacion turistik, duket qartë nga shkrimi i Daily Express. Çmimi për natë është rreth 41,90 € (36 £) për person për natë. Përveç kësaj, qyteti ka 112 vende të jetës së natës të vlerësuar me katër dhe pesë yje, shkruan Grace Piercy. Ka një shumëllojshmëri opsionesh akomodimi në Sofje, duke përfshirë hotele, Airbnb, bujtina dhe shtëpi pushimi. Dhe ata që dëshirojnë ta vizitojnë mund të fluturojnë direkt nga Londra dhe Birmingham, përfundon artikulli kushtuar Sofjes.
Foto: BTAPërgatiti në shqip dhe publikoi: Kostandina Bello
Rreth 100 qingja në hell do të përgatiten për festën në Zllatograd gjatë festivalit tradicional të mbushur me muzikë dhe kostume popullore, kushtuar specialitetit të rodopeve. Mijëra mysafirë dhe turistë priten në qytetin piktoresk malor më 3 dhe 4 maj..
Muzeu i vetëm i Qelqit në Bullgari ndodhet në qytetin Bellosllav, në bregun e njërës prej mëngëve të liqenit Varna. Pikërisht në këtë vend, në vitin 1893, vëllezërit Mushallan hodhën themelet e prodhimit bullgar të qelqit, duke krijuar fabrikën e parë..
Anelija Hristova - një eksperte e certifikuar e verës dhe udhërrëfyese turistike, anëtare e Shoqatës Bullgare të Profesionistëve të Verës, i tha BTA për nevojën për të paraqitur dhe ekspozuar më shumë varietete vendase bullgare . Në këtë drejtim, një..
Mbi 800 nomadë digjitalë, sipërmarrës dhe krijues nga 50 shtete mbërritën në Bansko për edicionin e gjashtë të Bansko Nomad Fest – një nga ngjarjet..